فيليپپيندەگى لاڭكەستىك شابۋىل. فوتو: The Wall Street Journal.

اقش قورعانىس كۇشتەرى تىنىق مۇحيت اسكەري قولباسشىلىق باس شتابىنىڭ قولباسشىسى، گەنەرال حارري ءحارريستىڭ ەسكەرتۋ جاساپ، «يسلام مەملەكەتى» تەررورلىق ۇيىمدارىنىڭ جاقتاستارى بولىپ سانالاتىن جيھاتشىلار ءفيليپپيننىڭ وڭتۇستىگىندە ارەكەت جاساپ، ازيانى دۇرلىكتىرۋگە ارەكەت جاساماق دەدى. ورتا شىعىستان ورالعان جيھادشىلار وڭتۇستىك شىعىس ازيادا جاڭا ۇستانىمدارمەن تەررورلىق ارەكەتتەرگە كوشۋى مۇمكىن ەكەن. بۇل تۋرالى «The Wall Street Journal» باسىلىمى حابارلاپ وتىر.

حارريس بۇل پىكىرىن سارسەنبى كۇنى اۆستراليانىڭ ستراتەگيالىق ساياسات ينستيتۋتىندا سويلەگەن سوزىندە ورتاعا سالدى. ول سوزىندە «يسلام مەملەكەتى» ادامزاتتىڭ جاۋى، ولار يراك پەن ءسۇريانىڭ بۇگىنگى كۇيىنە تىكەلەي سەبەپكەر، سونىمەن بىرگە مۇسىلمان ەلدەرىنىڭ ىدىراۋىنا الىپ كەلەدى دەدى.

فيليپپين اسكەرلەرى الدە قاشان ەلدىڭ وڭتۇستىگىندەگى  مالاۆي مينداناو قالاسىندا جانە وزگە دە «يسلام مەملەكەتى» ۇيىمىمەن بايلانىسى بار وڭىرلەردە تەررورلارمەن كۇرەس جۇرگىزگەلى ءبىر ايدان اسا ۋاقىت بولدى. بۇلىكشىلەر ءفيليپپيننىڭ وڭتۇستىگىندە حاليفات ورناتۋعا تىرىسىپ كەلەدى. يندونەزيا باستاپ، مالايزيا، يەمەن جانە ساۋد ارابياسىنىڭ لاڭكەستەرى دە سوعىسقا كىرۋدە. وڭتۇستىك-شىعىس ازيا ەلدەرى مەن اۆستراليا ۇكىمەتتەرى بۇعان ۇلكەن الاڭداۋشىلىق ءبىلدىرىپ وتىر.

ءحارريستىڭ ايتۋىنشا، مالاۆي وقيعاسى وڭتۇستىك-شىعىس ازيا مەن اۆسترالياعا ساقتىق دابىلىن قاعىپ وتىر. ولار ورتا-شىعىستاعى قولدانعان تەررورلىق شابۋىل تاسىلدەرىن مالاۆي مينداناو جەرىندە قايتالادى. ونىڭ ۇستىنە بۇل وقيعانىڭ اۋقىمدىلىعى «يسلام مەملەكەتى» ۇيىمى مۇشەلەرىن كۇش بىرىكتىرۋگە شابىتتاندىرادى.

“The Qazaq Times”