ترامپتىڭ سايلاۋدان بۇرىنعى پوزيتسياسى وزگەرەدى

اقش حالىقارالىق ەكونوميكا زەرتتەۋ ينستيتۋتىنىڭ اعا زەرتتەۋشىسى، تانىمال قىتايتانۋشى نيكولاس لارديدىڭ بولجاۋىنشا ترامپ تاققا شىعىسىمەن، سايلاۋ كەزىندە ايتقان ساياسي ۇستانىمدارىنىڭ ءبىرازىنان باس تارتىپ، اقش-تا داستۇرگە اينالعان پراگماتيكالىق باعىتتا جۇمىس الىپ بارۋى مۇمكىن. اقش مۇددەسى ءۇشىن جانە قىتاي-اقش ينۆەستيتسيالىق كەلىسىمدەرىنىڭ ىقپالىندا ترامپتىڭ سايلانۋدان بۇرىنعى پوزيتسياسى وزگەرەدى. ەكى كۇن بۇرىن شينحۋ اگەنتتىگىنىڭ جۋرناليستىنە بەرگەن سۇحباتىندا لاردي: ترامپ قىتاي-اقش ينۆەستيتسيالىق قاتىناسىن دامىتۋعا مۇددەلى دەگەندى ايتتى.

نيكولاس لاردي: « ترامپ تاققا وتىرعاننان كەيىن اقش ەكونوميكاسىنداعى قىتاي سالماعىن شىن مويىندايتىن بولادى. كوپتەگەن كاسىپورىندار قىتايداعى ۇلكەن بازارعا قىزىعىپ، ساۋدا-ەكونوميكالىق بايلانىس ورناتىپ وتىرعانىن دا كورەدى. قىتاي تاۋارلارىنا ينپورتتىق سالىقتى كوبەيتۋ قىتايدىڭ عانا ەمەس امەريكاداعى باسەكەگە قابىلەتتى كومپانيالارعا وڭ اسەر بەرمەيدى. وسىعان قاراپ، ترامپ اقش مۇددەسىن ەسكەرسە قىتايعا توسقاۋىل قويۋى ەكىتالاي ».

قازىر قىتايلىق كەز-كەلگەن باق، ترامپتىڭ سايلاۋ كەزىندە ايتقان سوزدەرىن قانشالىق دارەجەدە ورىندايدى دەگەنگە باسا نازار اۋدارىپ وتىر. ترامپتىڭ ءار باسقان قادامىن اڭدىپ تۇر دەسەك تە ارتىق ەمەس. سەبەبى، ترامپتىڭ الداعى قادامى قىتاي ءۇشىن اسا ماڭىزدى. اقش-قىتاي مۇددەسى تەكە-تىرەسكە تۇسپەسە دە، مۇندا ەكى ەل دامۋىنا كەرەك كوپتەگەن تۇيتكىلدەرگە جاۋاپ جاتىر.  سوندىقتاندا، الىس قۇرلىقتاعى ەلدىڭ پرەزيدەنتى تاققا وتىرىپ، ءوزىنىڭ قىزىمەت جوسپارلارىمەن تانىستىرعانشا قىتايلىق باق-تىڭ ساناسى سانعا، ويى ونعا بولىنەدى. ارينە، بۇل تاقىرىپ بىزبەن ەش قاتىسسىز دەۋگە كەلمەيدى.

"The Qazaq Times"