بەلگىلى كينوسىنشى باۋىرجان نوگەربەك ومىردەن وزدى

قازاقستاننىڭ ەڭبەك سىڭىرگەن قايراتكەرى، بەلگىلى كينوسىنشى باۋىرجان رامازانۇلى نوگەربەك 69-جاسىندا ومىردەن وزدى.

باۋىرجان رامازانۇلى نوگەربەك 1948 جىلى 6 تامىزدا قاراعاندى وبلىسى ۇلىتاۋ اۋدانى ۇلىتاۋ اۋىلىندا دۇنيەگە كەلگەن. 1971 جىلى ماسكەۋ قالاسىنداعى مەملەكەتتىك كينەماتوگرافيا ينستيتۋتىنىڭ كينوتانۋ فاكۋلتەتىن ءبىتىردى.

سانالى عۇمىرىنىڭ كوپ بولىگىن ت.جۇرگەنوۆ اتىنداعى ۇلتتىق ونەر اكادەمياسىندا ۇستازدىق ەتۋگە ارناعان تالانتتى تۇلعا –اتالعان ءبىلىم ورداسىندا تۇڭعىش «كينو جانە تۆ» فاكۋلتەتى مەن «ونەرتانۋ» كافەدراسىن قۇرعان ايتۋلى ازاماتتاردىڭ ءبىرى. ونىڭ قازاق كينو ونەرىنىڭ كەشەگىسى مەن بۇگىنگىسى، بولاشاعى تۋرالى جازعان قۇندى ەڭبەكتەرى الەمنىڭ بىرنەشە تىلىنە اۋدارىلعان. كينوتانۋ ماماندىعىنىڭ دامۋىنا ەلەۋلى ۇلەس قوسقان قايراتكەر ءار جىلدارى «شاكەن جۇلدىزدارى»، «ەۋرازيا»، «التىن مىنبەر» حالىقارالىق كينوفەستيۆالدەرىنىڭ قازىلار القاسىنىڭ قۇرامىندا بولدى.

“The Qazaq Times”