وزبەكستان ازاماتشاسى تۇركيا پرەزيدەنتى رەجەپ تايىپ ەردوعان كۇزەتشىسىن ءولتىردى دەگەن كۇدىكپەن ۇستالدى.

وزبەكستان ازاماتشاسى فاريدا بايراموۆا  تۇركيا پرەزيدەنتىنىڭ كۇزەت باسقارماسىندا قىزمەت اتقارعان 24 جاسار رامازان وزچەلەكتى ءولتىردى دەگەن كۇدىكپەن قاماۋعا الىنعان.

25 جاستاعى فاريدا بايراموۆا ماۋسىمنىڭ 19 كۇنى ۇيىنەن وزچەلەكتىڭ جانسىز دەنەسى تابىلعاننان كەيىن ۇستالعان بولاتىن. بايراموۆا مەن وزچەلەك الەۋمەتتىك جەلى ارقىلى تانسىقان. بايراموۆانىڭ ايتۋىنشا، وزچەلەك ونىڭ پاتەرىنە كەلىپ، ەكەۋى بىرىگىپ ۆيدەو كورگەننەن كەيىن «رۋسسكايا رۋلەتكا» ويىنىن وينايمىن دەپ ءوز-ءوزىن تاپانشامەن اتىپ العان.

بىراق تەكسەرۋ بارىسىندا بايراموۆانىڭ دا، وزچەلەكتىڭ دا ۇيالى تەلەفونىنان ەشكىم، ەشقانداي ۆيدەو كورمەگەندىگى انىقتالعان.

فاريدا بايراموۆا تۇركيانىڭ يسمەت ينەن اتىنداعى فارماتسەپتيكالىق ۋنيۆەرسيتەتىنىڭ ستۋدەنتى بولعان.

“The Qazaq Times”