NBC News ارناسى مەن The Wall Street Journal باسىلىمى بىرلەسكەن سوڭعى ساراپتاماسى بويىنشا، ترامپ بيلىكتەگى ورنىقسىزدىققا تولى ءبىر ايىن وتكەردى. قۇراما شتات حالقىنىڭ جارتىسىنان كوبى ءوز پرەزيدەنتتەرىنىڭ ادامگەرشىلىك، سەنىمدىلىك جانە پرەزيدەنتتىك مىندەت ۇدەسىنەن شىعا الۋىنا سەنىم ارتا الماي وتىر.
اقش باسىلىمدارى وتكەن ايدا جاريالاعان ساۋالناماعا ۇقساس ترامپقا قارسى كوزقاراستاعى ادامدار سانى بارعان سايىن كوبەيىپ كەلەدى. اقش فەدەرالدىق بارلاۋ باسقارماسىنىڭ حابارلاۋىنا قاراعاندا، 2016 جىلعى اقش-تىڭ پرەزيدەنت سايلاۋى كەزىندە ترامپ كوماندالاستارىنىڭ رەسەيمەن بايلانىس ورناتقانى تۋرالى انىقتالىپ، تەرگەۋگە الىنۋى جۇرت پىكىرىنە كوبىرەك اسەر ەتكەن.
ساۋالناما نەگىزىنەن ادامدىق قاسيەتتەرى، سەنىمدىلىگى، پرەزيدەنتتىك قىزمەت اتقارۋعا جەتەرلىك ءبىلىم قابىلەتى قاتارلى ءۇش مازمۇندا الىنعان. ساۋالناماعا قاتىسقان 900 امەريكالىقتىڭ جارتىسىنان كوبى ترامپتىڭ باسقارۋ قابلەتىنە سىن ايتقان (ونىڭ 48 پايىزى ەشقانداي توپ پەن پارتياعا جاتپايتىن ادامدار).
«The Wall Street Journal» باسىلىمى اتالعان ساۋالنامانى ماۋسىمنىڭ 17-20 ارالىعىندا 900 قۇراما شتات ازاماتىنىڭ قاتىسۋىمەن جيناقتاعان.
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
ۇلتتىق قۇرىلتاي. اتاۋى قازاقشا بولعانىمەن مازمۇنى پرەزيدەنتتىك باقىلاۋدا بولماي ما؟
يراننىڭ رۋحاني كوسەمى: سوڭعى نارازىلىقتار كەزىندە مىڭداعان ادام قازا تاپتى
گرەنلانديا مەن دانيادا ترامپتىڭ جوسپارلارىنا قارسى جاپپاي نارازىلىق ءوتتى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى