دەمالىس كۇندەرى ەلدىڭ باسىم بولىگىندە جاۋىن-شاشىن بولۋى مۇمكىن

اتموسفەرالىق فرونتتاردىڭ وتۋىنە بايلانىستى رەسپۋبليكانىڭ باسىم بولىگىندە تۇراقسىز اۋا رايى ساقتالادى، كەي جەرلەردە جاڭبىر كۇتىلەدى،  نايزاعاي بولادى، جەل كۇشەيەدى، بۇرشاق جاۋى مۇمكىن. تەك رەسپۋبليكانىڭ وڭتۇستىك-باتىسىندا جاۋىن-شاشىنسىز اۋا رايى كۇتىلەدى. تاڭەرتەڭ رەسپۋبليكانىڭ سولتۇستىك-باتىسىنىڭ كەي جەرلەرىندە تۇمان بولۋى مۇمكىن.

پاۆلودار، شىعىس قازاقستان وبلىستارىنىڭ كەي جەرلەرىندە بۇرشاق جاۋى مۇمكىن، جەل 15-20, ەكپىنى 23-28 م/س بولادى. اقمولا، الماتى، جامبىل وبلىستارىنىڭ كەي جەرلەرىندە بۇرشاق جاۋى مۇمكىن، جەل 15-20 م/س كۇشەيەدى. سولتۇستىك قازاقستان وبلىسىنىڭ كەي جەرلەرىندە بۇرشاق جاۋى مۇمكىن، كۇندىز كەي جەرلەرىندە  جەل 15-20 م/س كۇشەيەدى. وڭتۇستىك قازاقستان، قاراعاندى، كۇندىز قىزىلوردا، اتىراۋ، باتىس قازاقستان، اقتوبە وبلىستارىنىڭ كەي جەرلەرىندە جەل 15-20 م/س بولادى، قىزىلوردا وبلىسىندا شاڭدى داۋىلمەن بولادى. قوستاناي وبلىسىنىڭ تاڭەرتەڭ كەي جەرلەرىندەتۇمان بولىپ، كۇندىز جەل 15-20 م/س كۇشەيەدى.

كۇندىز الماتى، شىعىس قازاقستان وبلىستارىندا، قاراعاندى وبلىسىنىڭ كەي جەرلەرىندە قاتتى ىستىق بولادى.

كۇندىز قىزىلوردا وبلىسىندا، وڭتۇستىك قازاقستان، جامبىل، قاراعاندى، شىعىس قازاقستان، قوستاناي وبلىستارىنىڭ كەي جەرلەرىندە وتە جوعارى ءورت قاۋىپى ساقتالادى.

 “The Qazaq Times”