ترامپ پوروشەنكوعا رەسەيدى سانكتسيامەن ۇستاپ تۇرۋعا ۋادە ەتتى

ۋكراينا پرەزيدەنتى اقش-قا ساپارلاي بارىپ، اقۇيدە ترامپپەن كەزدەسكەن كۇنى اقش قازىنا دەپارتامەنتى ۋكراينا داۋىنا قاتىستى كوپتەگەن تاراپتى سانكتسيا تىزىمىنە كىرگىزەتىنىن ايتتى. دەپارتامەنتتىڭ مالىمەتىنشە، جاڭا سانكتسيا وسىعان دەيىنگى سانكتسيالاردىڭ قولدانىسىن ارتتىرۋعا باعىتتالعان. بۇل تۋرالى «The Wall Street Journal» باسىلىمى حابارلاپ وتىر.

وسى اپتانىڭ باسىندا ەۋرووداق رەسەيگە سالىنعان سانكتسيانى ءبىر جىلعا ۇزارتۋعا كەلىسكەن بولاتىن. سەيسەنبى كۇنى سانكتسيانى ۋكرايناداعى سەپاراتيستەرى دە قامتيتىنى ءمالىم بولدى. ايتالىق، نەگىزگى تۇلعالار مەن ونىڭ جاقتاستارىنا قاراتىلعان. ونىڭ ىشىندە قىرىمداعى كەيبىر جەكە تۇلعا بيزنەس وكىلدەرى، بانكتەر مەن وزگە دە ۇيىمدار بار. بۇل رەسەيدىڭ وسى وڭىردەگى قارۋ-جاراق ونەركاسىبى مەن بىرنەشە قارۋ-جاراق ساۋدا كومپانيالارىنا باعىتتالىپ وتىرعانى انىق. سانكتسيانىڭ نەگىزىندە كەيبىر كومپانيالاردىڭ اكتيۆتەرى مۇزداتىلاتىندىعىن اقش قازىنا دەپارتامەنتى راستاپ وتىر.

دۇيسەنبى كۇنى ۋكراينا پرەزيدەنتى اقۇيگە ساپارلاي باردى. وعان ترامپ ۇكىمەتى رەسەيگە باعىتتالعان سانكتسيالاردى ساقتاپ تۇرۋعا ۋادە بەردى.

“The Qazaq Times”