وتكەن اپتادا ەكسپو-2017 كورمەسىنە 205 561 ادام كەلگەن.
«استانا ەكسپو-2017» ۇلتتىق كومپانياسىنىڭ باسقارۋشى ديرەكتورى بەيبىت قارىمساقوۆتىڭ ايتۋىنشا، وسى ۋاقىتقا دەيىن پاۆيلوندارعا ادامداردىڭ كىرىپ-شىعۋ كورسەتكىشى 1 ملن 57 مىڭنان اسىپ وتىر.
«ءبىر قوناعىمىز ءبىر كۇننىڭ ىشىندە 5-6 پاۆيلوندى كورىپ ۇلگەرەدى. ءبىزدىڭ ەسەبىمىزگە سايكەس، وسى ۋاقىتقا دەيىن كورمەگە 26 مىڭنان استام شەتەل ازاماتى كەلىپ كەتتى. ول بارلىق قوناقتاردىڭ 13 پايىزىن قۇراپ وتىر»، - دەدى قارىمساقوۆ استانادا وتكەن ءباسپاسوز ءماسليxاتىندا.
ديرەكتوردىڭ ۇسىنعان مالىمەتتەرىنە سايكەس، كورمەگە كەلگەن 10 ادام - 6 جاسقا دەيىنگى بالالار بولسا، مۇگەدەكتەر مەن ارداگەرلەردىڭ سانى 2 مىڭنان استى.
«14 مىڭ ادام ول - وقۋشىلار، ستۋدەنتتەر مەن زەينەتكەرلەر. قازىرگى ديناميكاعا قاراساق، كورمەگە كەلەتىن ادامداردىڭ سانى كۇن سايىن ارتىپ كەلەدى. مىسالى، العاشقى كۇنى 17 مىڭ ادام كەلسە، وتكەن جۇمادا 34 مىڭنان استام ادام كەلىپ كەتتى»، - دەپ اتاپ كورسەتتى كومپانيانىڭ باسقارۋشى ديرەكتورى.
نەگىزگى جوسپارعا سايكەس، استاناداعى ەكسپو-2017 كورمەسىنە كەلىپ كەتەتىن ادامداردىڭ سانى 2-2,5 ملن بولۋى كەرەك. ال پاۆيلونداردى كورىپ كەتۋ كورسەتكىشى 5 ملن-عا جەتۋى ءتيىس. سەبەبى ءبىر ادام، كەم دەگەندە، ەكى رەت كەلىپ كەتەدى دەگەن بولجام بار.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى