كاتيف قالاسىنداعى كولىكتى كۇزەت قىزمەتكەرى. فوتو: تۇرىك تەلە-راديو قىزمەتى.

ساۋد ارابياسىنىڭ شىعىسىنداعى شيىتتەر كوبىرەك تۇراتىن كاتيف ايماعىندا سوڭعى كەزدەرى لاڭكەستىك شابۋىلدار ءجيى تۋىلۋدا دەپ حابارلايدى «تۇرىك تەلە-راديو» قىزمەتىنىڭ رەسمي سايتى.

ءال-كاتيف قالاسىندا وسىدان ءبىر كۇن بۇرىن لاڭكەستىك شابۋىل ورىن الدى. قالاداعى قارۋلى كۇشتەردىڭ كولىكتى كۇزەت-بارلاۋ قىزمەتىندەگى ءبىر بولىمشەگە جاسالعان شابۋىلدان ءبىر ادام قازا بولىپ، ەكى ادام جارالانعان.

ساۋد ارابياسىنىڭ ءىىم جاساعان مالىمدەمە بويىنشا، بۇل لاڭكەستىك شابۋىل رەتىندە تىركەلىپ، قالاداعى كۇزەت قىزمەتى كۇشەيتىلگەن. جارالى بولعان اسكەريلەر ەمدەۋگە الىنعان. «پارس.اقپاراتتىڭ» حابارلاۋىنشا شابۋىل كولىككە بومبا قويۋ ارقىلى جاسالعان. بۇل اقپارات كوزدەرى بويىنشا، ەلدىڭ شىعىسىن مەكەندەگەن شيىتتەرگە قىسىم جاساۋ ءۇشىن ارنايى ۇيىمداستىرىلعان دەگەن دە پىكىر بار.

“The Qazaq Times”