ترامپ تەرەزا مەيگە بەرگەن ۋادەسىن كەشىكتىرمەك، لوندون ساپارى قازان ايىنا كەشىكتىرىلدى

اقش-تاعى باق-تىڭ جەكسەنبى كۇنگى تاراتقان حابارلارىنا قاراعاندا، اقش پرەزيدەنتى ترامپ ۇلىبريتانياعا ساپارلاي بارىپ، سول ەلدىڭ پرەمەر-ءمينيسترى تەرەزا مەيمەن كەزدەسۋدى جوسپارلاپ وتىرعانىن مالىمدەگەن. الايدا، كەڭ اۋقىمدى ءجۇرىلىپ جاتقان نارازىلىقتار توقتاتىلعان جاعدايدا، ترامپ ساپاردى ۋاقىتىن كەيىنگە قالدىرعىسى كەلەدى. بۇل تۋرالى «The Wall Street Journal» باسىلىمى حابارلاپ وتىر.

ۇلىبريتانيانىڭ «گۆارديان» باسىلىمىنا ۇكىمەت كەڭەسشىسىنىڭ بەرگەن مالىمدەمەسىنە قاراعاندا، ترامپ اپتا سوڭىندا تەرەزا مەيگە قوڭىراۋ شالىپ، ءوزىنىڭ جوعارىداعىداي ءوتىنىشىن بىلدىرگەن. تەرەزا مەي بولسا ترامپ تاققا وتىرا سالىسىمەن كوپ ۇزاماي، اقش-قا ساپارلاي بارىپ، مەملەكەتتىك ساپارمەن العاش كەزدەسكەن شەتەلدىك باسشى بولىپ ەدى. سول كەزدە ول تاعى ترامپتى ۇلىبريتانياعا مەملەكەتتىك ساپارمەن كەلۋگە شاقىرعان ەدى. ال، مەي بولسا، وتكەن اپتاداعى سايلاۋدا جەڭىلىسكە ۇشىرادى.

تەرەزا مەيدىڭ مەملەكەتتىك ساپارمەن شاقىرۋى باسىنان باستاپ اقش-تا داۋلى پىكىر بولىپ كەلدى. 2 ملن ادام جەلىدە قول قويىپ، قارسىلىق ءبىلدىردى. بۇل ساپاردى كۇشىنەن قالدىرۋىن تالاپ ەتۋدە. بۇنىڭ بارىندە لوندوندا تۋىلىپ جاتقان ساياسي وزگەرىستەر، لاڭكەستىك شابۋىلدار جانە ترامپ پەن لوندون مەرى اراسىنداعى جانجال سەبەپ بولعان. لوندون مەرى ساديك حان ترامپتىڭ كوشى-قون ساياساتىن اياۋسىز سىنعا العان بولاتىن. بۇعان ترامپ قاتتى اشۋلى.

اقش-تاعى قارسىلىق پەن ۇلىبريتانياداعى وزگەرىستەرگە بايلانىستى ترامپتىڭ وسى ايعا جوسپارلانعان مەملەكەتتىك ساپارى قازان ايىنا كەشىكتىرىلدى.

“The Qazaq Times”