فوتو: ۆۆس

پۋەرتو-ريكو ارالىنىڭ حالقى اقش-قا قوسىلعىسى كەلەدى دەپ حابارلايدى ۆۆس اقپارات قىزمەتى.

پۋەرتو-ريكو ارالىنىڭ تۇرعىندارى ەل اۋماعىندا وتكەن رەفەرەندۋمدا اقش-قا قوسىلعىلارى كەلەتىندىكتەرىن ءبىلدىرىپ داۋىس بەرگەن. رەفەرەندۋمعا ارال حالقىنىڭ 23 پايىزى قاتىسىپ، ونىڭ 97 پايىزى اقش-قا 51 شتات رەتىندە قوسىلۋدى قولداعان.

پۋەرتو-ريكودا اقش-قا قوسىلۋعا بايلانىستى رەفەرەندۋم وسىمەن بەسىنشى رەت ءوتىپ وتىر. بۇعان دەيىن ءدال وسىنداي رەفەرەندۋم 2012 جىلى وتكىزىلگەن. ول كەزدە ەل حالقىنىڭ 60 پايىزى اقش-قا قوسىلعىلارى كەلەتىندەرىن ءبىلدىرىپ داۋىس بەرگەن. بىراق ول كەزدە دە اقش كونگرەسسى پۋەرتو-ريكو حالقىنىڭ بۇل شەشىمىنە ەشقانداي جاۋاپ قاتپاعان بولاتىن.

پۋەرتو-ريكو گۋبەرناتورى ريكاردو روسسەللونىڭ ايتۋىنشا ەلدى ەكونوميكالىق تىعىرىقتان الىپ شىعاتىن ءبىر عانا جول بار. ول اقش قۇرامىنا 51 شتات بولىپ قوسىلۋ.

قازىرگى تاڭدا پۋەرتو-ريكونىڭ سىرتقى قارىزى 72 ملرد دوللاردى قۇرايدى.

“The Qazaq Times”