بۇۇ "يسلام مەملەكەتى" سودىرلارىنىڭ سانى قانشا ەكەندىگىن حابارلادى

بىرىككەن ۇلتتار ۇيىمىنىڭ قاۋىپسىزدىك كەڭەسى «يسلام مەملەكەتى» لاڭكەستىك ۇيىمىنىڭ قانشا سودىرى بار ەكەندىگىن حابارلادى.

بۇۇ قاۋىپسىزدىك كەڭەسىنىڭ مالىمەتىنشە يراك پەن ءسۇريا اۋماعىندا «يسلام مەملەكەتى» لاكەستىك ۇيىمىنىڭ 12-20 مىڭ اسكەرى بار. سوڭعى 16 ايدا ولاردىڭ سانى كۇن ساناپ ازايىپ كەلەدى.

«سوڭعى ۋاقىتتا يراك پەن ءسۇريا اۋماعىنداعى «يسلام مەملەكەتى» ۇيىمىنا سىرتتان قوسىلۋشىلار سانى كۇرت ازايعان، ونىڭ ۇستىنە تەررورلىق ۇيىمنىڭ قاتارىندا قان توگىپ جۇرگەن سودىرلاردىڭ كوپشىلىگى ءوز ەلدەرىنە قايتا قايتۋ ۇستىندە. بۇل حالىقارالىق تىنىشتىققا ۇلكەن قاۋىپ ءتوندىرىپ وتىر.» دەلىنگەن بۇۇ قاۋىپسىزدىك كەڭەسىنىڭ بايانداماسىندا.

بۇۇ زەرتتەۋلەرى بويىنشا قازىرگى تاڭدا «يسلام مەملەكەتى» لاڭكەستىك ۇيىمى قارجىنى ادامداردى كەپىلدىككە الۋ، باسىپ العان جەرلەرىنەن سالىق جيناۋ، زاڭسىز مۇناي تاسىمالداۋدان الىپ وتىر ەكەن.

“The Qazaq Times”