كاتاردىڭ سىرتقى ديپلوماتيا داعدارىسى حالىق تۇرمىسىنا اسەر ەتتى

5-6 ماۋسىم كۇندەرى ساۋد ارابياسى باستاعان 7 مەملەكەت كاتارمەن بولعان ديپلوماتيالىق قاتىناسىن ۇزگەن بولاتىن.  كورشىلەس جانە باۋىرلاس اراب ەلدەرىنىڭ ديپلوماتيالىق قاتىناستارىن ۇزگەنىنە بايلانىستى كاتار تۇرعىندارى ازىق-تۇلىكپەن قامداۋدىڭ توقتاپ قالۋىنان الاڭداپ ورتالىق قالا دوحادان جاپپاي ازىق-تۇلىك ساتىپ الا باستادى. بۇل ەل ورتالىعىنداعى بىرنەشە ۇلكەن سۋپەر-ماركەتتەردىڭ قاڭىراپ بوس قالۋىن كەلتىرىپ شىعاردى. بۇل تۋرالى «People.com» حابارلاپ وتىر.

بىرنەشە كۇن بۇرىن ساۋد ارابياسى باستاپ، مىسىر، ءباا، باحرەين، يەمەن، مالديۆ، ليۆيا قاتارلى جەتى اراب مەملەكەتتەرى كاتاردان ديپلوماتيالىق قاتىناستارىن ءۇزدى. اراپ تۇبەگىنىڭ شىعىسىنداعى پارسى شىعاناعىنداعى شاعىن تۇبەككە ورنالاسقان كاتاردىڭ حالىق سانى 2 ميلليون اينالاسىندا. جەر كولەمى 12 مىڭ شارشى شاقىرىمعا جەتپەيدى. شىعىسىندا پارسى شىعاناعى ارقىلى يرانمەن سۋ ارقىلى شەكارالاسادى. وڭتۇستىك شىعىسىندا  بىرىككەن اراب امىرلىگى، سولتۇستىكتە باحرەين قاتارلى شاعىن اراب ەلدەرى بار. ال باتىسى ساۋد ارابياسىنا تىرەلەدى. توڭىرەگىن قورشاعان باۋىرلاس ەلدەردىڭ ديپلوماتيالىق قاتىناسىن ءۇزىپ، تەڭىز جانە اۋە جولدارىن كەسىپ تاستاۋى كاتار حالقىن تۇتىنۋداعى تاپشىلىققا ۇشىراۋدان الاڭداتتى.

الايدا كاتار امىرلىگى: «سىرتقى ديپلوماتيالىق قاتىناستاردىڭ ءۇزىلۋى حالىقتىڭ تۇرمىسىنا ىقپال ەتۋى مۇمكىن، الايدا كاتاردىڭ شەكارا ىشىندەگى حالىقتى ۇزاق مەرزىمگە تۇتىنۋمەن قامداۋعا شاماسى ابدەن جەتەدى»، – دەپ وتىر.

“The Qazaq Times”