اقش سۇريالىق كۇردتەردى قارۋ-جاراقپەن قامتاماسىز ەتە باستادى

اقش اسكەريلەرى ءسۇريا كۇردتەرىنە قارۋ-جاراق تاسمالداۋىن باستادى دەپ حابارلايدى ۆۆس اقپاراتتار قىزمەتى.

پەنتاگوننىڭ ايتۋىنشا سۇريالىق كۇردتەر الداعى ۋاقىتتا راككا قالاسىن «يسلام مەملەكەتى» لاڭكەستىك ۇيىمىنىڭ سودىرلارىنان ازات ەتۋ وپەراتسياسىنا قاتىساتىن بولادى. سول سەبەپتى اقش، ءسۇريا كۇردتەرىن قارۋ-جاراقپەن قامتاماسىز ەتۋىن قازىردەن باستاپ كەتكەن.

الايدا اقش-تىڭ بۇل ارەكەتىنە تۇركيا ءوز نارازىلىعىن ءبىلدىرۋى مۇمكىن. ويتكەنى رەسمي انكارا ءسۇريا كۇردتەرىن تۇركيا اۋماعىندا تەررورلىق ۇيىم دەپ سانالاتىن «كۇردستان جۇمىسشىلار پارتياسىمەن» قاتىسى بار دەپ ەسەپتەيدى.

راككا قالاسى 2014 جىلدان بەرى «يسلام مەملەكەتى» لاكەستىك ۇيىمىنىڭ قاراماعىندا. قازىرگى تاڭدا بۇل قالا ءسۇريا اۋماعىندا «يسلام مەملەكەتى» سودىرلارىنىڭ باستى قوزعاۋشى كۇشى بولىپ سانالادى.

اقش راككانى «يسلام مەملەكەتى» لاكەستەرىنەن ازات ەتۋگە 2016 جىلدىڭ قاراشا ايىنان بەرى كۇش سالىپ كەلەدى.

“The Qazaq Times”