وسكەمەن قالاسىنىڭ اكىمى اۋىستى

بۇگىن شىعىس قازاقستان وبلىسىنىڭ اكىمى دانيال احمەتوۆ وسكەمەن قالاسى اكىمدىگىنىڭ ۇجىمىنا جاڭا اكىمدى تانىستىردى. ەندى وسكەمەن قالاسىن قۋات تۋماباەۆ باسقارادى. ول بۇل قىزمەتكە كەلگەنگە دەيىن وبلىس اكىمىنىڭ ورىنباسارى قىزمەتىن اتقارعان جانە ەڭ جاس قالا اكىمى. 

قۋات تۋماباەۆ 1980 جىلى 30 قازاندا سەمەي قالاسىندا دۇنيەگە كەلگەن. سەمەيدەگى شاكارىم اتىنداعى مەملەكەتتىك ۋنيۆەرسيتەتىنىڭ "حالىقارالىق ەكونوميكالىق قاتىناستار" ماماندىعىن بىتىرگەن. 2003 جىلى قازاقتىڭ گۋممانيتارلىق زاڭ ۋنيۆەرسيتەتىن بىتىرەدى. قىزمەت جولىن «اليانس بانك» اق كرەديتتىك ءبولىمىنىڭ قىزمەتكەرى بولىپ باستادى.

ول 2012 جىلدان باستاپ قر ەكونوميكالىق دامۋ جانە ساۋدا مينيسترلىگنىڭ ينۆەستيتسيالىق ساياسات دەپارتامەنتىن باسقارعان. ۇلتتىق كاسىپكەرلەر پالاتاسى باسقارما توراعاسىنىڭ كەڭەسشىسى قىزمەتىن اتقارادى.

قۋات تۋماباەۆ "اگروفيرما پريرەچنوە" ديرەكتورى، وبلىستىق ءماسليحات دەپۋتاتى مۇحيت تۋماباەۆتىڭ ۇلى.

“The Qazaq Times”