ميلليون سمارتفونعا ۆيرۋس كىرگىزگەن حاكەرلىك توپ مۇشەلەرى ۇستالدى

رەسەي فەدەراتسياسىنىڭ ىشكى ىستەر دەپارتامەنتى ترويان باعدارلامالاردىڭ كومەگىمەن بانك شوتتارىنان اقشا ۇرلاپ، ميلليونداعان سمارتفوندارعا ۆيرۋس كىرگىزگەن 20 ادامنان تۇراتىن حاكەرلىك توپتى قۇرىقتادى. بۇل تۋرالى بولىمشەنىڭ رەسمي وكىلى يرينا ۆولك مالىمدەگەن بولاتىن.

حاكەرلەردىڭ شابۋىلى مەن ورىنداعان وپەراتسيالارىنىڭ سالدارىنان كەلگەن شىعىن كولەمى 50 ميلليون رۋبلگە جەتىپ وتىر.

قىلمىستىق توپتىڭ مۇشەلەرى رەسەي فەدەراتسياسىنىڭ ءار وبلىسىندا تۇراتىن ازاماتتار بولعان، ال بۇل زاڭسىز بيزنەستى باستاعان جەتەكشىسى – يۆانوۆ قالاسىنىڭ 30 جاسار تۇرعىنى ەكەن.

حاكەرلىك توپتىڭ بارلىق مۇشەلەرى ۇستالىپ، تورتەۋى تۇتقىندالىپ، قالعاندارىنا ەلدەن شىعۋعا تىيىم سالىنعان.

"The Qazaq Times"