2016 جىلى الەم بويىنشا بوسقىندار سانى 30 ميلليوننان اسىپ جىعىلدى دەپ جازادى نەمىس تولقىنى اقپاراتتىق اگەنتتىگى.

2016 جىلى سوعىس، زارلىق-زومبىلىق، تابيعي اپاتتار الەمدە 30 ميلليون ادامنىڭ تۋعان جەرلەرىن تاستاپ، ەل ىشىندە وزگە اۋماقتارعا قونىس اۋدارۋلىرىنا سەبەپشى بولعان. وسىنىڭ سالدارىنان وتكەن جىلى ءار سەكۋنتتا ءبىر ادام بوسقىن اتانعان. بۇل جايىندا بۇگىن نيۋ-يوركتە وتكەن نورۆەگيانىڭ بوسقىندار ءىسى جونىندەگى كەڭەسى مەن ىشكى كوشى قون ورتالىعىنىڭ  كەڭەيتىلگەن وتىرىسىندا ايتىلعان.

نوۆرۆەگيا بوسقىندار ءىسى جونىندەگى كەڭەستىڭ زەرتتەۋلەرىنە سۇيەنسەك، الەم بويىنشا سوعىس، زورلىق-زومبىلىق فاكتورلارىنا بايلانىستى ەل ىشىندە بوسقىن بولۋعا ءماجبۇر بولعان حالىق سانى ەڭ كوپ مەملەكەتتەر كونگو (920000 ادام), ءسۇريا (824000 ادام), يراك (660000 ادام) ەلدەرى ەكەن.

ال دۇنيە ءجۇزى بويىنشا تابيعي اپاتتارعا بايلانىستى تۋعان جەرلەرىن تاستاپ كەتكەن حالىق سانى 24 ميلليوندى قۇراعان.

“The Qazaq Times”