تۇركيا ءسۇريا اۋماعىنداعى اسكەري وپەراتسيالارعا قاتىسپايدى

تۇركيا پرەزيدەنتى رەجەپ تايىپ ەردوعان ءسۇريا اۋماعىنداعى راككا قالاسىن «يسلام مەملەكەتى» سودىرلارىنان ازات ەتۋ وپەراتسياسىنا قاتىسپايتىنىن ايتتى.

ەردوعان ستامبۋل قالاسىندا تيۋسياد كاسىپكەرلەر اسسوتسياتسياسىندا سويلەگەن سوزىندە «سوڭعى ۋاقىتتا اقش، ءسۇريانىڭ راككا قالاسىن سودىرلاردان ازات ەتۋگە بايلانىستى مالىمدەمەلەر جاساپ ءجۇر. ەگەردە بىرىككەن كواليتسيالىق اسكەري كۇشتەردىڭ قاتارىندا تەررورلىق ۇيىمدار بولاتىن بولسا، ءبىز ونداي اسكەري وپەراتسياعا قاتىسپايمىز.» دەدى.

بۇعان دەيىن اقش پرەزيدەنتى دونالد ترامپ ءسۇريادا «يسلام مەملەكەتىنە» قارسى سوعىسىپ جۇرگەن كۇرد اسكەريلەرىن قارۋ-جاراقپەن قامتاماسىز ەتۋگە بايلانىستى قۇجاتقا قول قويعان ەدى.

وعان رەسمي انكارا ءوز نارازىلىعىن ءبىلدىرىپ، ءسۇريا كۇردتەرىنىڭ تۇركيا اۋماعىندا لاڭكەستىك ۇيىم دەپ سانالاتىن «كۇردستان جۇمىسشىلار پارتياسىمەن» قاتىسى بار دەگەن بولاتىن.

"The Qazaq Times"