فوتو: www.linkiesta.it

الەمدەگى ەڭ باي 500 ادام ءبىر كۇندە قور نارىعىنىڭ قۇلدىراۋى سالدارىنان 35 ملرد دوللار جوعالتتى. Bloomberg اگەنتتىگىنىڭ مالىمەتىنشە، بۇل اقش پرەزيدەنتى دونالد ترامپ اينالاسىنداعى داۋعا بايلانىستى.

كەشە ياعني 17 مامىر كۇنى امەريكالىق قور يندەكستەرى سوڭعى 8 ايداعى ەڭ تومەنگى دەڭگەيگە جەتكەن. مىسالى S&P 500 يندەكسى 1,8%-عا نەمەسە 2357,2 پۋنكتكە دەيىن تومەندەگەن.  Dow Jones-ءتىڭ وندىرىستىك يندەكسى 1,8%-عا، NASDAQ-تىكى 2,6%-عا ءتۇسىپ، 6011,2 پۋنكت بولدى، دەپ حابارلايدى Financial Times. امەريكالىق باسىلىمداردىڭ ايتۋىنشا، نارىقتاعى مۇنداي جاعدايعا دونالد ترامپتىڭ FBI باسشىسى دجەيمس كوميدى قىزمەتىنەن بوساتۋى جانە رەسەي مەن ترامپ اراسىنداعى بايلانىستى تەرگەۋ اسەر ەتىپ وتىر.

سونىمەن الەمدەگى بايلاردىڭ كوشباسشىسى 86,8 ملرد دوللارى بار بيلل گەيتس 1 ملرد دوللار جوعالتقان. Microsoft كورپوراتسياسىنىڭ اكتسيالارى 2,8% تومەندەدى. Amazon-نىڭ نەگىزىن قالاۋشى دجەفف بەزوس كومپانياسىنىڭ اكتسيالارىنىڭ (2,2%) قۇلدىراۋىنان 1,7 ملرد دوللار شىعىنعا ۇشىرادى. Inditex كومپانياسىنىڭ يەسى (Zara, Massimo Dutti, Bershka) امانسيو ورتەگانىڭ قارجىسى ءبىر كۇندە 325 ملن دوللارعا ازايدى.

بۇل تىزىمدە Facebook-ءتىڭ نەگىزىن قالاعان مارك تسۋكەربەرگ تە بار. الەۋمەتتىك جەلىنىڭ اكتسيالارى 3,3%-عا قۇلداراپ، ناتيجەسىندە 2 ملرد دوللاردان ايىرىلدى.

Financial Times اگەنتتىگىنىڭ جازۋىنشا، يندەكستەردىڭ قۇلدىراۋى «ترامپ بيلىگى اقش ەكونوميكالىق ءوسىمىن كوتەرۋدە قاۋراقارسىز» ەكەنىن كورسەتىپ وتىر.

سونداي-اق، امەركالىق قور نارىعىنىڭ قۇلدىراۋى ەۋروپا مەن ازيا جانە دامۋشى ەلدەردىڭ يندەكستەرىنىڭ تومەندەۋىنە اسەر ەتكەن.

“The Qazaq Times”