اۋعانستاندا بەلگىسىز ادامدار جەرگىلىكتى تەلەارنالاردىڭ بىرىنە شابۋىل جاسادى دەپ حابارلايدى Tolo News ارناسى.

بۇگىن جەرگىلىكتى ۋاقىتپەن ساعات وندار شاماسىندا اۋعانستاننىڭ جالالاباد قالاسىندا ورنالاسقان مەملەكەتتىك تەلەارنا عيماراتىنا بەلگىسىز ادامدار شابۋىل جاساعان. جالالاباد ورتالىعىندا شابۋىل جاساۋشىلار مەن اۋعان اسكەرى اراسىندا اتىس ورىن العان. كۋاگەرلەردىڭ ايتۋىنشا اۆتومات داۋىسى تەلەارانا عيماراتى ىشىنەن دە ەستىلگەن.

ازىرگە اۋعانستاننىڭ رەسمي ورگاندارى شابۋىلداۋشىلاردىڭ كىم ەكەندىگى جايىندا، زارداپ شەككەندەر مەن جاراقات العاندار جايىندا ەشقانداي اقپارات تاراتپاعان.

“The Qazaq Times”