ناسا وزگە عالامشارلارعا ارنالعان ۇيلەردىڭ بايقاۋىن ۇيىمداستىردى

3D-Printed Habitat Challenge بايقاۋىنا الەمنىڭ بارلىق ۋنيۆەرسيتەتتەرىنەن ستۋدەنتتەر مەن جاس عالىمدار قاتىسقان. قازىلار القاسىنىڭ كوڭىلىنەن شىققان ەكى كوماندانىڭ جوبالارى ىرىكتەلىپ الىندى. Branch Technology ستارتاپىنىڭ جەڭىمپازى 85 مىڭ دوللار ۇتىپ السا، الياسكا ۋنيۆەرسيتەتىنىڭ كومانداسى 15 مىڭ دوللار كولەمىندەگى سىياقىعا يە بولعان.

بايقاۋ بىرنەشە كەزەڭنەن تۇرادى، ونىڭ العاشقىلارى 2015 جىلى باستالعان بولاتىن.

بارلىق كەزەڭدەر بارىسىندا جوبالار ءتۇرلى شارتتار بويىنشا سىناقتان وتكەن. ەندىگى قورىتىندى كەزەڭدە جوبا اۆتورلارى مەن وزگە عالامشارلاردا قۇرىلىس نىساندارىن سالۋعا نيەتتى كومپانيالارمەن كەزدەسۋ ۇيىمداستىرىلماق.

3D-Printed Habitat Challenge ۇيىمداستىرۋشىلارىنىڭ ايتۋىنشا، بۇل بايقاۋ وزگە عالامشارلارعا بارۋ مەن سول جەردە ءومىر سۇرۋگە دەگەن العاشقى قادام بولىپ تابىلادى. ال قاتىسۋشىلاردىڭ جوبالارىنا قاراي وتىرىپ، ادام سەنگىسىز كورىنگەن جاڭالىقتىڭ جاقىن بولشاقتا اقيقاتقا اينالۋىنا دالەل بولا الادى.

“The Qazaq Times”