اۋە شابۋىلىنان قورعايتىن س-400 زىمىران جۇيەسى. فوتو: گازەتا.رۋ

ماسكەۋ انكاراعا قۇنى 500 ملن دوللار تۇراتىن اۋە شابۋىلىنان قورعايتىن س-400 زىمىران جۇيەسىن ساتىپ الۋدى ۇسىنعان. ربك اقپارات اگەنتتىگىنىڭ مالىمەتىنشە، كەلىسسوزدەر بىرنەشە ايدان بەرى جالعاسىپ جاتىر. ءساۋىر ايىنىڭ سوڭىندا تۇركيا بيلىگى كەلىسىمنىڭ اياقتالۋعا جاقىن ەكەنىن مالىمدەگەن. 

رەجەپ تايىپ ەردوعان مەن ۆلاديمير پۋتين اراسىندا  س-400-ءتى جەتكىزۋ تۋرالى اڭگىمە تۇركيا باسشىسىنىڭ سوچيگە ساپارى كەزىندە تالقىلانعان. ءپۋتيننىڭ ءباسپاسوز حاتشىسى دميتري پەسكوۆ ەكى جاقتى كەزدەسۋدىڭ جاقسى وتكەنىن حابارلاعان. دەگەنمەن، ازىرگە كەلىسسوز تۋرالى ناقتى اقپارات جوق. ال رەسەيلىك سترەاتەگيالىق زەرتتەۋ ورتالىعىنىڭ ديرەكتورى يۆان كونۆالوۆ "بۇل ەردوعاننىڭ ەۋروپالىق وداق پەن اقش-قا قىر كورسەتپەك بولعان ساياسي ويىنى" دەگەندى ايتادى.

"ەۋروپالىق وداققا قاتىستى ايتار بولساق، ەردوعان وداققا ەشقاشان مۇشە بولا المايتىنى ءۇشىن قىر كورسەتۋى مۇمكىن. ونىڭ ۇستىنە 16 ساۋىردە تۇركياداعى رەفەرەندۋمدا ونىڭ جەڭىسكە جەتۋىنە قاتىستى ەو قاتتى سىن ايتتى. ال اقش پەن تۇركيا اراسىندا سيرياداعى كۇرتتەردىڭ ءوزىن-ءوزى قورعاۋ وتريادىنا قاتىستى ءتۇرلى كوزقاراس قالىپتاسقان. سوندىقتان انكارانىڭ س-400-ءدى ساتىپ ساتىپ الۋ تۋرالى كەلىسسوزى اقش پەن بريۋسسەلدى الاڭداتپاي قويمايدى", - دەيدى ول.

“The Qazaq Times”