فوتو: www.techcult.ru

ەكشن-كامەرا

قازىرگى تاڭدا ەكشن-كامەرالار كوپ، بىراق ولاردى ساتىپ الۋعا كەز-كەلگەننىڭ جاعدايى جەتە بەرمەيتىنى اقيقات. سونىمەن قوسا، كوبىسىندە قاجەتتى فۋنكتسيالارى جەتىسپەي جاتادى. بىراق Kickstarter  پلاتفورماسىندا وسى كەمشىلىكتەردى جوياتىن جاڭا كامەرالار جاسالىپ جاتىر.

بۇل CAMEO360 كامەراسى – الەمدەگى ەڭ كىشكەنتاي ەكى ەسەلەنگەن لينزالى  360-بۇرىشتى 4ك كامەراسى. بۇل كامەرانى جاساۋ جۇمىستارى 2015 جىلى باستالعان بولاتىن. قۇرىلعى ءوزىنىڭ كىشكەنە كولەمىنە قاراماستان، بەينەنى 4ك ساپادا، ال سۋرەتتى 24 مپ-گە دەيىنگى ساپامەن تۇسىرەدى. سونىمەن قوسا، سۋرەتتەردى، بەينەلەردى رەتتەپ، جىبەرۋگە دە قولايلى فۋنتسيالارىمەن ەرەكشەلەنەدى.

كامەرالاردى ارنايى پۋلتتەرمەن  قاشىقتىقتان باسقارۋعا دا بولادى. باسقا قۇرىلعىلارمەن جالعاۋ ءۇشىن WiFi 5G جانە Bluetooth 4.0 چيپتەرى دە قاراستىرىلعان. وسىنداي فۋنكتسيالارىنا قاراماستان كامەرانىڭ سالماعى نەبارى 96 گرامم جانە كولەمى 46ح46 مم.

CAMEO-نىڭ ەڭ ەرەكشە مۇمكىندىكتەرىنىڭ ءبىرى  - Facebook نەمەسە Youtube جەلىلەرىنەن تىكەلەي ترانسلياتسيا جاساۋعا دا بولادى.

CAMEO360 ساتىلىمعا وسى جىلدىڭ تامىزىندا شىعارىلادى. ونىڭ باعاسى 269 دوللاردىڭ شاماسىندا بولماق.

“The Qazaq Times”