فوتو: TRT

باۋىرلاس ەلدەر تۇرىكمەنستان مەن تۇركيا رەسپۋبليكاسى اراسىنداعى ديپلوماتيالىق قاتىناستارعا 25 جىل بولۋىنا بايلانىستى اشعابادتاعى تۇركيا وكىلەتتى ەلشىلىگى مەن تۇرىكمەنستان سىرتقى ىستەر مينيسترلىگى بىرىگىپ كونفەرەنتسيا ۇيىمداستىردى. كونفەرەنتسيادا تۇرىكمەنستان-تۇركيا قاتىناستارىنىڭ تاريحي وتكەنى مەن بۇگىنگى جاعدايى تالقىلاندى، بولاشاققا باعىتتالعان ۇسىنىستار ايتىلدى. بۇل تۋرالى "اناتولى" اقپاراتتىق اگەنتتىگىنىڭ رەسمي سايتىندا جازىلدى.
كونفەرەنتسيادان بۇرىن اشعابادتاعى تۇركيا وكىلەتتى جانە توتەنشە ەلشىسى مۇستافا كاپۋجۋ مەن تۇرىكمەنستان حالىقارالىق قاتىناستار ينستيتۋتى رەكتورى بابا زاحيروۆ ەكى ەل قاتىناستارىنىڭ وڭ باعىتىن سۋرەتتەيتىن فوتوسۋرەت كورمەسىن اشتى.
كونفەرەنتسياعا اشعادابتاعى شەتەلدىك ميسسيا وكىلدەرى، حالىقارالىق قاتىناستار ينستيتۋتى جانە گۋمانيتارلىق عىلىمدار ۋنيۆەرسيتەتى وقىتۋشىلارى، ستۋدەنتتەر، تۇرىكمەنستاندا تۇراتىن تۇرىك ازاماتتار مەن اشعاباد تۇرىك انادولى ليتسەيىنىڭ وقۋشىلارى تىڭداۋشى رەتىندە قاتىستى.
كونفەرەنتسيانىڭ بەتاشارىندا ءسوز سويلەگەن وكىلەتتى جانە توتەنشە ەلشى مۇستافا كاپۋجۋ 1991 جىلدىڭ 16 جەلتوقسان كۇنى تۇرىكمەنستاننىڭ تاۋەلسىزدىگىن تانىعان جانە ارتىنان 1992 جىلى 29 اقپان كۇنى تۇرىكمەنستانمەن ديپلوماتيالىق قاتىناس قۇرعان، اشعابادتا ەلشىلىك اشقان ءبىرىنشى ەلدىڭ تۇركيا رەسپۋبليكاسى ەكەنىنە نازار اۋداردى.

“The Qazaq Times”