قازاقستان دەپۋتاتتارىنىڭ ايلىق ەڭبەك اقىسى ەلدەگى ەڭ تومەنگى جالاقىدان 26 ەسە كوپ. بۇگىن ءبىز تمد ەلدىنىڭ دەپۋتاتتارىنىڭ جالاقىسىن سالىستىرىپ كورۋدى ءجون كوردىك.
قازاقستاندا بۇكىل الەمدىك داعدارىسقا قاراماستان حالىق قالاۋلىلارى 600-700 مىڭ تەڭگە كولەمىندە ايلىق الادى. ال ەلىمىزدەگى ەڭ از جالاقى 24 459 تەڭگە. بۇل مىسالمەن ايتقاندا ءبىزدىڭ دەپۋتاتتار اۋىل مەكتەبىنىڭ كۇزەتشىسىنەن 26 ەسە كوپ ايلىق الادى دەگەن ءسوز.
ال وزگە ەلدەردەگى دەپۋتتاتتار مەن قاراپايىم حالىقتىڭ ەڭ تومەنگى جالاقىسى تومەندەگىدەي قىرعىزستاندا 29, رەسەيدە 49, ۋكراينادا 6,7, بەلورۋسسيادا 5,5 ەسە ايىرماشىلىق بار.
ال قازاقستان دەپۋتتاتارىنىڭ ايلىق جالاقىسىن تمد مەملەكەتتەرىندەگى ارىپتەستەرىمەن سالىستىرساق، وزبەكستان زاڭ شىعارۋشىلارى ايىنا 2,9 ملن سۋم (376 دوللار), قىرعىزستان دەپۋتاتتارى 33-34 مىڭ سوم (480-510 دوللار), تاجىكستان حالىق قالاۋلىلارى 400 سوموني (42 دوللار), رەسەيدىڭ دەپۋتتاتارى 360 مىڭ رۋبل (6380 دوللار), بەلورۋسسيا زاڭ شىعارعىشتارى 1 800 رۋبل (950 دوللار), ۋكراينا حالىق قالاۋلىلارى 17 650 گريۆنا (650 دوللار) جالاقى الادى.
سالىستىرا كەلگەندە ءبىزدىڭ حالىق قالاۋلىلارىمىز وزبەكستان، قىرعىزستان، بەلورۋس، تاجىكستان، ۋكراينالىق ارىپتەستەرىنەن باي، رەسەيلىك دەپۋتاتتاردان كەدەي ەكەن. كىم بىلەدى ەلىمىزدىڭ ەكونوميكاسى وسىلاي قارىشتاپ دامي بەرسە قازاقستان دەپۋتتاتارىنىڭ جاعدايى رەسەيلىكتەردەن دە جاقسى بولىپ كەتەر بولاشاقتا.
The Qazaq Times
