اقش پەن وڭتۇستىك كورەيا بىرلىكتە اسكەري جاتتىعۋ وتكىزەدى

وڭتۇستىك كورەيا اقش-تىڭ «كارل ۆينسون» ۇشاق تاسمالداعىش كەمەسىمەن بىرگە اسكەري وقۋ جاتتىعۋ جۇمىستارىن وتكىزبەك دەپ حابارلايدى كيودو اقپارات اگەنتتىگى.

وتكەن جەكسەنبىدە اقش-تىڭ اتى شۋلى «كارل ۆينسوندى» جاپونيانىڭ «اسيگارا» جانە «ساميدارە» كەمەلەرىمەن بىرگە وقۋ جاتتىعۋ وتكىزگەن بولاتىن. ال سNN تەلە ارناسى بۇل وقۋ جاتتىعۋعا قاتىسپاسادا پۋسان پورتىنا اقش-تىڭ «ميچيگان» اتوم سۇڭگۋىر قايىعى كەلگەندىگىن حابارلاپ،  «ميچيگاننىڭ» بورتىنا «توماگاۆكا» سىندى 154 قاناتتى زىمىران سىياتىنىن ايتىپ الاڭداۋشىلىقتارىن بىلدىرگەن ەدى.

ءساۋىر ايىنىڭ باسىنداعى سۇلتۇستىك كورەيانىڭ زىمىران سىناعىنان كەيىن، اقش «كارل ۆينسون» كەمەسى كورەي تۇبەگىنە بەت العانىن مالىمدەگەن بولاتىن. ال اقش ۆيتسە-پرەزيدەنتى مايك پەنس «كارل ۆينسون» كورەي تۇبەگىندە ءالى ءبىر ايداي ۋاقىت بولاتىنىن ايتقان ەدى. شەت ەل ساراپشىلارىنىڭ حابارلاۋىنشا سولتۇستىك كورەيا كەلەسى يادرولىق زىمىراندارىنىڭ سىناعىن بۇگىن وتكىزۋى مۇمكىن. ويتكەنى بۇگىن ياعني 25-ءشى ساۋىردە پيوڭياڭ (پحەنيان) كحدر اسكەرىنىڭ قۇرىلعانىنا 85 جىل تولۋىن اتاپ وتپەك.  بۇدان بۇرىن اقش، ەگەردە سولتۇستىك كورەيا يادرولىق زىمىراندارىن تاعى دا ۇشىراتىن بولسا، ولاردى اتىپ تۇسىرەمىز دەپ مالىمدەگەن بولاتىن.

وڭتۇستىك كورەيانىڭ «كارل ۆينسون» اۆياماتكاسىمەن بىرگە اسكەري وقۋ جاتتىعۋ جۇمىستارىن بىرلىكتە وزكىزۋى تەرىستىكتەگى كورشسىنىڭ شامىنا تيەرى داۋسىز.

"The Qazaq Times"