«Alma school» كاسىپكەرلىك ءبىلىم بەرۋ مەكتەبىندە جازۋشى مۇحتار اۋەزوۆ اتىنداعى كىتاپحانانىڭ، ساياساتكەر دىنمۇحامەد قوناەۆ اتىنداعى كونفەرەنتس -زالدىڭ جانە ءانشى، كومپوزيتور ەسكەندىر حاسانعاليەۆ  اتىنداعى كونفەرەنتس- حولدىڭ اشىلۋى ءوتتى.

ءىس شاراعا قوعام قايراتكەرى مۇرات اۋەزوۆ، دىنمۇحامەد قوناەۆتىڭ جيەنى، جازۋشى ديار قوناەۆ، ەسكەندىر حاسانعاليەۆتىڭ جۇبايى داريكو سوپىجانقىزى جانە ۇلى ءبىرجان حاسانعاليەۆ قاتىستى.

مۇحتار اۋەزوۆ – جازۋشى، قوعام قايراتكەرى، قازاق عىلىم اكادەمياسىنىڭ تۇڭعىش اكادەميگى، فيلولوگيا عىلىمدارىنىڭ دوكتورى، پروفەسسور. 1897 جىلى 28 قىركۇيەكتە شىعىس قازاقستان وبلىسى اباي اۋدانىندا دۇنيەگە كەلگەن. 1961 جىلى 27 ماۋسىمدا قايتىس بولعان.

دىنمۇحامەد قوناەۆ – مەملەكەت جانە قوعام قايراتكەرى. قازاق كسر عىلىم اكادەمياسىنىڭ اكادەميگى، تەحنيكا عىلىمدارىنىڭ دوكتورى. قازاقستان كومپارتياسى ورتالىق كوميتەتىنىڭ ءبىرىنشى حاتشىسى (1960–1962 جانە 1964–1986) بولعان. 1912 جىلى 12 قاڭتاردا الماتى قالاسىندا دۇنيەگە كەلگەن. 1993 جىلى 22 تامىزدا قايتىس بولعان.

ەسكەندىر حاسانعاليەۆ – ءانشى، كومپيزيتور، قازاقستاننىڭ حالىق ءارتىسى. 1940 جىلى 13 اقپاندا باتىس قازاقستان وبلىسى قاراتوبە اۋدانىندا دۇنيەگە كەلگەن. 2021 جىلى 30 cاۋىردە قايتىس بولعان.