فرانتسيا پرەزيدەنت سايلاۋى ەلگە ساياسي بەتبۇرىس الىپ كەلدى

وسىدان ون شاقتى ساعات بۇرىن فرانتسياداعى پرەزيدەنت سايلاۋدىڭ العاشقى تۋرى اياقتالدى. سايلاۋ ناتيجەسى بويىنشا مارين لە پەن جانە ەممانۋەل ماكرون فرانتسيا پرەزيدەنت سايلاۋىنىڭ ەكىنشى اينالىمىنا وتكەن. بۇل تۋرالى «شينلاڭ» اقپاراتتىق اگەنتتىگى حابارلاعان ەدى.

فرانتسيا Ipsos / Sopra steria داۋىس قابىلداۋ ورىندارىنىڭ كورسەتكەن مالىمەتى بويىنشا، ماكرون 23,7 پايىز داۋىسقا يە بولعان. ال، وڭشىلداردىڭ وكىلى لە پەن  22,1 پايىز داۋىسپەن كەلەسى تۋرعا جولداما العان.

“The Wall Street Journal" باسىلىمىنىڭ ايتۋىنشا، فرانتسياداعى نەگىزگى ساياسي پارتيا بۇل رەتكى سايلاۋدا ەكىگە جارىلعان بولاتىن. 40 جىلدان بەرى قاراي فرانتسيا بيلىگىندە نەگىزىنەن كونسەرۆاتيۆتىك پارتيا مەن سوتسياليستىك پارتيا باسىم بولىپ كەلدى. وزگە پارتيالار مەن جەكەلەگەن كوشباسشىلار فرانتسيا تاپ كەلىپ وتىرعان ەكونوميكالىق جانە ساياسي جاعدايدان الىپ شىعۋعا تالپىنىس جاساپ جاتىر. الايدا، قۋاتتى پارتيالاردان ىعىستىرىلىپ وتىردى.

الايدا، فرانتسيادا وتكەن كەشەگى وتكەن پرەزيدەنت سايلاۋىندا ەو-دان دەربەستەنۋ، ەركىن ساۋدا ۇيىمدارى، اشىق شەكارالى ەل جانە وزگە تاقىرىپتاردا  فرانتسيانىڭ جاڭا بەتبۇرىسىن بايقاتتى. ءبىر جاعىنان ينۆەستيتسيا سالۋشى بانكير ماكرون فرانتسيانىڭ ەۋرووداقپەن قوسىلىستى تەرەڭدەتۋ كەرەكتىگىن ناسيحاتتاسا، ەندى ءبىر جاقتا مارين لە پەن ەۋروپا بىرلىگى مەن ەۋرووداقتان باس تارتۋعا شاقىردى.

بۇل رەتكى سايلاۋ ناتيجەسىنە قاراعاندا لە  پەن مەن ماكرون اراسىنداعى باسەكەلەستىك وڭاي شەشىم تابا قويمايتىن كورىندى. سەبەبى، كەلەسى تۋردا ەكەۋى فرانتسيانىڭ داۋىس بەرۋشىلەرىن مۇلدە قاراما قارسى ەكى كوزقاراسقا جارىپ اكەتپەكشى. ەستەرىڭىزگە سالا كەتەيىك فرانتسيا دەموكراتيالىق پرەزيدەنت سايلاۋىنىڭ ەكىنشى تۋرى 7 مامىردا وتەدى.

The Qazaq Times