قاندى قاڭتار قىرعىنىنا بايلانىستى ايىپتالعان الماتى وبلىسى پوليتسيا دەپارتامەنتىنىڭ بۇرىنعى باسشىسى سەرىك كۇدەباەۆتىڭ سوتى تاعى دا كەيىنگە قالدى.

جەتىسۋ وبلىستىق سوتىندا 16 ناۋرىزدا وتكەن سوت وتىرىسىندا سۋديا ۇمبەتاي ءابديللا كۇدەباەۆتىڭ قورعاۋشىسىنان ءوتىنىش حاتىنا بايلانىستى سوتتى 20 ناۋرىز ساعات 11:00 گە قالدىردى. ۇمبەتاي ءوتىنىش حاتتا ايىپتالۋشى تاراپتىڭ وكىلى كۇدەباەۆتىڭ اۋرۋحانادا ەم الىپ جاتقانىنا بايلانىستى سوتقا قاتىسا ايمايتىنىن ايتقان.

كۇدەباەۆ ەم قابىلداپ جاتىر دەگەن سەبەپپەن 10 ناۋرىزدا وتكەن سوت وتىرىسىنا دا كەلە الماعان.

مەملەكەتتىك ايىپتاۋشى، پروكۋرور ەرلان قىدىرباەۆ كۇدەباەۆقا "قاندى قاڭتار كەزىندەگى اركەتسىزدىگى مەن قىزمەتىن اسىرا پايدالانۋ بويىنشا كەلتىرىلگەن زارداپتاردى اتاپ ءوتتى. پروكۋرور ەرلان قىدىرباەۆ كۇدەباەۆقا قىلمىستىق كودەكستىڭ 362 بابىنىڭ 4 بولىگىمەن 8 جىل، 146 باپتىڭ 2 بولىگىمەن 4 جىل قاماۋ جازاسىن بىرىكتىرىپ، 58 باپتىڭ ياعني قىلمىستىق قۇقىق بۇزۋشىلىقتار جيىنتىعى بويىنشا جازا تاعايىنداۋدىڭ 3 بولىگىمەن 9 جىلعا قاماۋ جازاسىن" سۇراعان بولاتىن.

سوت 20 ناۋرىزعا قالدىرىلدى.