بۇگىن اقش پرەزيدەنتى جو بايدەن وتكەن جىلدىڭ ناۋرىزىنان بەرى ورىس باسقىنشىلارىنىڭ شابۋلى استىندا قالعان ۋكراينا استاناسى كيەۆكە باردى.

اقش پرەزيدەنتى جو بايدەننىڭ بۇل ساپارى الدىن الا حابارلانباعان.  بۇل توسىن ساپار رەسەيدىڭ ۋكرايناعا باسىپ كىرۋىنىڭ ءبىر جىلدىعى قارساڭىندا جاسالدى. بايدەن Twitter-دەگى پاراقشاسىندا «كيەۆتە پرەزيدەنت زەلەنسكيمەن كەزدەسىپ، ۋكرايناعا دەگەن ادالدىعىمىزدى راستايمىز»، - دەپ جازدى.

اقش جوعارى لاۋازىمدىسى پرەزيدەنت ۆلاديمير زەلەنسكي مەن ۋكراينانىڭ ءبىرىنشى حانىمى ولەنا زەلەنسكا قارسى الدى.

ۋكراينانىڭ سوعىس كەزىندەگى قايتپاس ەرلىگىن ارنايى اتاپ وتكەن بايدەن بۇعان دەيىن دە ۆيتسە-پرەزيدەنت كەزىندە 6 رەت كەلىپ كەتكەننىن ايتىپ: «مەن قايتا كەلەتىنىملدى ءبىلدىم» -دەدى.

ءارى ءپۋتيننىڭ ۋكراينانى ءالسىز دەپ سونداي-اق ناتو تۋرالى دا قاتە ويلاعانىن ايتقان جو «ول ءوزىن بىزدەن اسىپ تۇسە الام دەپ ويلادى. ءدال قازىر ولاي ويلامادى. ول جاي عانا قاتەلەستى» دەدى.

پرەزيدەنتتەر كيەۆ ورتالىعىنداعى اۋليە مايكلدىڭ التىن كۇمبەزدى شىركەۋىندە جۇرگەن كەزدەرىندە اۋە شابۋىلىنىڭ ەسكەرتۋى ەستىلىپ جاتتى.

بۇعان دەيىن بايدەن ۆاشينگتون كيەۆكە قۇنى 500 ملن دوللار بولاتىن جاڭا اسكەري كومەك پاكەتىن بەرەتىنىن ايتقان، ول ەرتەڭ جاريالانادى دەپ كۇتىلۋدە.