تاۋەلسىز قازاقستاننىڭ ەكونوميكالىق رەفورمالارى مەن تەوريالىق ءادىسنامالارىنا وزىندىك ۇلەس قوسقان كەنجەعالي ابەنۇلى ساعاديەۆتىڭ 85 جىلدىعىنا وراي كەنجەعالي ساعاديەۆ اتىنداعى حالىقارالىق بيزنەس ۋنيۆەرسيتەتىنىڭ ۇستازدارى مەن ستۋدەنتتەرى، جاقىندارى مەن زامانداستارى ونىڭ ەسكەرتكىشىنە گۋل شوقتارىن قويىپ ەسكە الدى.

اكادەميك كەنجەعالي ساعاديەۆ تاۋەلسىز قازاقستاننىڭ ءوسىپ وركەندەۋىنە ەلەۋلى ۇلەس قوسقان قايراتكەر.

كەنجەعالي ابەنۇلى ساعاديەۆ 1938ج. 18 اقپاندا قوستاناي وبلىسىنىڭ جانگەلدين اۋدانىندا دۇنيەگە كەلدى. ىزدەنگىشتىگى مەن تالانتىنىڭ ارقاسىندا، ونىڭ ەسىمى عىلىم الەمىندە تانىمال تۇلعاعا اينالدى.

ەكونوميكا عىلىمدارىنىڭ دوكتورى (1977);

قر ۇلتتىق عىلىم اكادەمياسىنىڭ اكادەميگى (1994);

قر ەڭبەك سىڭىرگەن عىلىم مەن تەحنيكا قايراتكەرى (1996);

كەنجەعالي ابەنۇلى 1960 جىلى قازمۋ-ءبىتىرىپ 1963 جىلدارى سوندا اسسيستەنت، اعا وقىتۋشى بوپ قىزمەت اتقاردى.

1963-1966 جج. موسكۆانىڭ حالىق شارۋاشىلىعى ينستيتۋتىڭ اسپيرانتى بولدى.1966 جىلدان الماتى حالىق شارۋاشىلىعى ينستيتۋتىندا عىلىمي –پەدوگوگيكالىق  ءارى باسشىلىق قىزمەتتەرىن اتقاردى.

1982 -1990جج. تسەلينوگراد اۋىل شارۋاشىلىعى ينستيتۋتىنىڭ رەكتورى بولىپ قىزمەت ىستەدى.

1990-1994جج. قازاق مەملەكەتتىك باسقارۋ اكادەمياسىنىڭ رەكتورى، ال 1994-1996 جج. قر ۇعا-پرەزيدەنتى، 1996-2004 جىلدار ارالىعىندا قازاق مەملەكەتتىك اگرارلىق ۋنيۆەرسيتەتىنىڭ، حالىق ارالىق بيزنەس ۋنيۆەرسيتەتىنىڭ رەكتورى بولدى.

2004 جىلى قر پارلامەنت ءماجىلىنىڭ دەپۋتاتى بوپ سايلاندى. كەمبريدج ومىرباياندىق ورتالىعىنىڭ «جىل ادامى -1992» اتىعىن الدى.

كەنجەگالي ابەنۇلى - وتان الدىنداعى ادال ەڭبەكتەرى ءۇشىن مەملەكەتتىك  ماراپاتارعا يە بولدى. ول ەڭبەك، قىزىل تۋ، حالىقتار دوستىعى، پاراسات، ەكىنشى دارەجەلى بارىس ت.ب. وردەندەرمەن- اتاقتار الدى.

قوعام  قايراتكەرى ، وتان سۇيگىش ازامات كەنجەگالي ساعاديەۆ ابەنۇلى تۋعان جەردىڭ ەلىنە ەڭبەگى سىڭگەن تۇلعالارىن ارداقتاپ ءوتتى. تاۋەلسىز قازاقستان ەلىنە قالتقىسىز قىزمەت ەتىپ «جەر –قازاقتىڭ ءبىر اتى! جەردەن ايرىلساق ۇلتىعىمىزدان ايىرىلامىز. ولاي بولسا، جەر ساۋداعا تۇسپەۋ كەرەك» -دەگەن بەرىك ۇستانىمدا بولدى.

ك،ءا.ساعاديەۆتىڭ وتكەن ءومىر جولىنا، ادامگەرشىلىك، ازاماتتىق بولمىسىنا شولۋ جاساي كەلە، عۇلاما عالىم تۋرالى ايتاتىن ءسوز ءالى الدا دەپ بىلەمىز.

                   ك.ءا.ساعاديەۆ اتىنداعى حالىق ارالىق بيزنەس ۋنيۆەرسيتەتى.

                   گۋمانيتارلىق-الەۋمەتتىك پاندەر كافەدراسىنىڭ

                   اعا-وقىتۋشىسى ا. ابدراسيلوۆ