تاجىكستان مەن قىتاي تەرروريزمگە قارسى جىلىنا ءبىر رەت اسكەري جاتتىعۋ وتكىزىپ تۇرۋعا كەلىستى. بۇل تۋرالى ورتالىق ازيا جاڭالىقتار قىزمەتى جازدى.

وسىعان دەيىن تاجىكستان پرەزيدەنتى ەمومالي راحمون ءىىم-گە بۇل كەلىسىمگە تاجىكستان ۇكىمەتى اتىنان قول قويۋعا تاپسىرعان.

مالىمدەمەدە ەكى ولكەنىڭ اسكەري قىزمەتكەرلەرى جاتتىعۋ كەزىندە تەرروريستەردىڭ كىرىپ كەلۋ جاعدايىنا قارسى تۇراتىن ارەكەتتەرگە ماشىقتاناتىنى ايتىلعان. اسكەري جاتتىعۋ وتكىزەتىن مەملەكەت اسكەري قىزمەتكەردەردى قارۋ-جاراقپەن قامتاماسىز ەتىپ، الدىن الا بەلگىلەنگەن باعىتتار بويىنشا تەحنيكالارلى قامتاماسىز ەتەدى.

تاجىكستان مەن قىتايدىڭ اسكەرى وسىعان دەيىن تاۋلى باداحشاندا اسكەري جاتتىعۋلار وتكىزىپ كەلگەن. وندا ەكى ەلدىڭ اسكەرى اۋعانستان ارقىلى كىرىپ كەلۋى مۇمكىن تەرروريستەرگە قارسى شابۋىل جاساۋعا دايىندىق جۇرگىزگەن.

قىتاي مەن تاجىكستاننىڭ اسكەري قاتىناسى 2015 جىلدان بەرى جاندانا باستادى. وعان دەيىن نەگىزىنەن ەكونوميكالىق باعىتتا ارىپتەستىك ەتىپ كەلگەن.