«Oyan, Qazaqstan» قوزعالىسى 2019 جىلى پرەزيدەنت توقاەۆ بيلىككە كەلە سالا قازاقستاننىڭ ەكس-پرەزيدەنتىنىڭ اتىنا بەرگەن كوشەدەن نازارباەۆ اتىن الىپ تاستاپ قاڭتار دەپ وزگەرتۋدى تالاپ ەتكەن اكتسيا وتكىزدى.  اكتسيا اياسىندا كوشە بويىنداعى ۇيلەردىڭ بىرىنە "قاڭتار" دەگەن جازۋى بار تاقتايشا مەن قىڭتار قىرعىنى كەزىندە اشىلعان سايتقا مەڭزەيتىن QR كودى بار قاعاز جاپسىردى.

قوزعالىستىڭ بەلسەندى مۇشەسىنىڭ ءبىرى جۋرناليست اسەم جاپىشەۆا ءوز پاراقشاسىندا "بۇگىن الماتىدا اكتسيا وتكىزدىك.  2022 جىلدىڭ قاڭتارىندا توقاەۆ حالىققا ەسكەرتۋسىز وق اتۋعا بۇيرىق بەردى. ناتيجەسىندە جۇزدەگەن ادام قازا تاپتى، مىڭداعان ادام ازاپتالدى. ازاپتعاندار مەن اتقاندار ءالى دە جازالانبادى. قاندى قاڭتارعا اكەلگەن باستى سەبەپ — قانىشەر نۇرسۇلتان نازارباەۆتىڭ وتىز جىل بويى ەلدى توناۋى. ءدال توقاەۆ سياقتى، نازارباەۆ 2011 جىلدىڭ جەلتوقساندا جاڭاوزەندەگى مۇنايشىلاردى اتۋعا بۇيرىق بەردى. بۇل كوشە قانىشەر مەن ديكتاتوردىڭ اتىمەن اتالۋىنا قارسىمىز. حالىقتىڭ قانى توگىلگەن الماتىنىڭ باستى كوشەسى قاڭتار دەپ اتالۋى قاجەت. قارالى كۇندەردى ماڭگى ەستە ساقتاپ، قازاق جەرىندە قازاقتىڭ قانى توگىلۋىنە جول بەرمەۋىمىز كەرەك. ۇمىتپامىز. كەشىرمەيمىز. ءبىز تەرروريست ەمەسپىز، قاراپايىم حالىقپىز". -دەپ جازدى.

ارتىنشا كوشە بويىنا ىلىنگەن تاقتايشا مەن جاپسىرما قاعازدى پوليتسيا قىزمەتكەرلەرى كەلىپ الىپ تاستادى.