بۇگىن جەتىسۋ وبلىسى، تالدىقورعان قالاسىندا "قاڭتار قىرعىنى" كەزىندە ۇستالعانداردى ءتۇرلى جولدارمەن ازاپتاعان پوليتسەيلەرگە قاتىستى 9 رەتكى سوت وتىرسى ءوتىپ جاتىر.

بۇگىنگە دەيىن 23 جابىرلەنۋشىنىڭ 9-نان سۇرالدى. پروكۋروردىڭ ايتۋىنشا الدىمەن جابىرلەنۋشىلەردەن سوسىن كۋاگەرلەردەن ارتىنان ايىپتالۋشىلاردىڭ ءسوزى تىڭدالادى. تىڭدالعان جابىرلەنۋشىلەر سوت ادىلەتسىز ءوتىپ جاتىر دەگەندى ايتىپ كەلەدى.

العاشقىلاردىڭ ءبىرى بولىپ جاۋاپ بەرگەن ارمان تەڭىزباەۆتىڭ ايتۋىنشا: ءوزىن ازاپتاپ ارقاسىنا ۇتىك باسقان ءۇش ادامنىڭ ەكەۋى جوق تەك بىرەۋى عانا وتىر، -دەيدى.

بۇگىن سوتقا كەلگەن جابىرلەنۋشىلەر ءىستى قايتا تەرگەۋگە جىبەرۋدى سۇرادى. الايدا پروكۋرور ءىستى قايتا تەكسەرۋگە جىبەرۋگە قارسى ەكەىنىن ايتتى.

ازاپتالعان  رولاننىڭ اكە-شەشەسى بالاسىنىڭ دەنساۋلىعىنا كەلە الماعانىن، وسىندا ازاپتاعان پوليتسەيلەردىڭ تەك بىرەۋ عانا وتىر. ەندى قالعان بىرەۋ مۇندا جوق ەكەنىن ايتىپ شاعىندى.

رولاننىڭ اناسى: "ماعان بالامنىڭ دەنساۋلىعىن قالپىنا كەلتىرىپ بەرىڭلەڭدەر. وسىندا ازاپتاعان نايزاباۆوۆ مۇندا جوق. ونى نەگە الىپ تاستادى، تەرگەۋ دۇرىس ەمەس، بالامىزدى مۇگەدەك قىلدى... جانباقىت پەن نايزاباسوۆتى جاۋاپقا تارتىڭدار. قانشا ادام ازاپتادى. سولاردىڭ ىشىندە 5 ادام عانا وتىر. قالعاندارى دا قامالسىن" دەگەن تالابىن قويدى.

ايىپتالۋشىلار دا ولاردىڭ قورعاۋشىلارى دا ءىستى قايتا تەرگەۋگە جىبەرۋدى سۇرادى.

ازاپتادى دەپ سانالعان پوليتسەيلەردىڭ ادۆوكاتتارى وزدەرىنىڭ قورعاۋىنداعى قورعاۋىنداعى ازاماتتار ازاپتاعان جابىرلەنۋشىلەردى قولدايتىنىن ايتتى.

ۇزىلىستەن كەيىن جابىرلەنۋشى تاراپ پروكۋورلار مەن سۋدياعا سەنىمسىزدىك ءبىلدىرىپ ارىز تاستادى