تاجىكستاننىڭ تاۋلى باداحشان اۆتونوم وبلىسى مۋرگاب اۋدانىنداعى اسكەري بولىمشەدە ءبىر جىلدان بەرى بورىشىن وتەپ جاتقان 19 جاستاعى شوحرۋح ماكاموۆتىڭ دەنەسى تۋىستارىنا بەرىلدى.

بالاسىنىڭ سۇيەگى 5-6 وفيسەر اكەلىپ ونى جۇرەك-قان جەتىسپەۋشىلىگىنەن قايتىس بولدى دەگەن. الايدا قايتىس بولعان ساربازدىڭ تۋىستارى ونىڭ سوققىنىڭ سالدارىنان كوز جۇمىدى دەپ باستان تەكسەرۋدى تالاپ ەتىپ وتىر.

18 قازاندا ساربازدىڭ دەنەسى دۋشانبەدەگى ءمايىتحانادان كانيبادام قالاسىنىڭ راۆوتي ناۆ اۋىلىنداعى وتباسىنا جەتكىزىلگەن.

تۋىستانىنىڭ ايتۋىنشا شوحرۋحتىڭ دەنساۋلىعىنداعى كىناراتتارعا قاراماستان اسكەرگە الىپ كەتكەن.

تاجىكستان بيلىگى اسكەرگە دەنساۋلىعى جارامسىز نەمەسە دارتىلاي جارامدى دەپ تانىلعان جاستاردى وتان الدىنداعى بورىشىن وتەۋگە شاقىرمايدى دەگەنىمەن اسكەري كوميسسارياتتار جوسپار ورىنداۋ ءۇشىن اۋىر سىرتقاتتىلارعا دا كوز جۇما قارايدى.

وسىنداي جاعدايلار ءجيى بولعان سوڭ جاستار تاجىك ارمياسىنداعى اسكەري بورىشىن وتەۋدەن باس تارتادى. باستى سەبەپتەرىنىڭ ءبىرى جاس اسكەري قىزمەتشىلەرگە دەگەن الىمجەتتىلىك پەن قاتىگەزدىك. بۇل كوبىنەسە اسكەرگە شاقىرىلعانداردىڭ جاراقات الۋىنا، ءتىپتى ولىمىنە اكەپ سوقتىرادى. دەسە دە، رەسمي بيلىك ءتارتىپسىز ارەكەت جاساعان كەز كەلگەن وفيتسەر مەن ساربازدىڭ جازالاناتىنىن، اسكەردەگى الىمجەتتىلىك سوڭعى جىلدارى ءبىرشاما ازايعانىن ايتادى.

بۇنداي جاعداي ءبىزدىڭ ەلدە دە ءجيى قايتالانادى. بىراق رەسمي وىرندار ۇنەمى جاسىرىپ جاۋىپ باسقاشا كورسەتۋگە تىرىسادى.