ND youtube ارناسىنىڭ يەسى دۋمان مۇحاممەدكارىمدى ىلە اۋداندىق سوتى 15 تاۋلىككە قامادى. ءجۋرنالستتى 488 باپتىڭ 7 بولىگىمەن ياعىني "قازاقستان رەسپۋبليكاسىنىڭ بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىندا بەلگىلەنگەن ءتارتىپتى بۇزا وتىرىپ وتكىزىلەتىن جينالىستاردى، ميتينگىلەردى، دەمونستراتسيالاردى، شەرۋلەردى، پيكەتتەردى نە وزگە دە جاريا ءىس-شارانى ۇيىمداستىرۋ جانە (نەمەسە) وتكىزۋ" بويىنشا ايىپتاعان.

الماتى وبلىسى ىلە اۋدانىنا قاراستى اششىبۇلاق اۋىلىنداعى ءجۋرناليستىڭ ۇيىنە12 قازان كۇنى ساعات 11 شاماسىندا پوليتسيا بولىمشەسىنەن ءبىر توپ ادام، بىرنەشە كولىكپەن كەلگەن.  ولار دۋماننىڭ وزدەرىمەن بىرگە ءجۇرۋىن تالاپ ەتكەن. سوتتىڭ ارنايى قاعازى بولماسا بارمايتىنىن ايتىپ قارسىلىق نارازىلىق تانىتقان جۋرناليسكە اقىرىندا شاقىرۋ قاعازىن اكەلىپ  15:00 دە ىلە اۋداندىق پوليتسيا بولىمشەسىندە بولۋى كەرەكتىگىن ەسكەرتكەن.

;t=5s

ەسكەرتىلگەن ۋاقاتتان وتە پوليتسيا باسقارماسىنا ادۆوكاتىمەن بىرگە جەتكەن دۋمان مۇحاممەدكارىمنەن وسى جاعداي تۋرالى سۇراپ ەدىك، ول پوليتسەيلەردىڭ ءوزىن نە ءۇشىن شاقىرتقانى تۋرالى ايتپاعانىن، ولار ايتپاسا دا، وزىنە تۇسىنىكتى ەكەنىن ايتتى. ول وتكەن اپتادا ءوز كانالى ارقىلى جۇرتتى بەيبىت ميتينگىگە شاقىرعان بولاتىن، بۇل جاعداي سوعان بايلانىستى دەپ سانايدى.سوڭعى كەزدەردەگى جاعدايعا بايلانىستى تاۋەلسىز جۋرناليست دۋمان مۇحاممەدكارىم ءوز پىكىرىن اشىق ايتىپ، ازاماتتىق بەلسەندىلىك تانىتىپ جۇرگەن. ول ءوزىنىڭ ارناسىندا جۇرتتى 25 قازاندا تۇسكى 12 گە بەيبىت ميتينگىگە شاقىرىپ، سايلاۋدىڭ زاڭسىزدىعىن، پرەزيدەنتتىك سايلاۋعا لايىقتى قارسىلاستارعا جول بەرىلۋ كەرەكتىگىن ايتقان. ول: “ەگەر توقاەۆ بيلىگى ەستيتىن مەملەكەت بولسا بەلسەندىلەر مەن تاۋەلسىز جۋرناليستەر تىنىش وتىرار ەدى، ولار حالىقپەن ساناسپايدى، بىزگە باسقا تاڭداۋ قالدىرعان جوق، ءبىز نە ىستەيمىز؟ شىرىلداپ كوشەگە شىققاننان باسقا امال جوق، بەيبىت شەرۋگە 5 جۇمىس كۇنى قالعاندا ەسكەرتپەكشى بولعانبىز. بۇل مەنىڭ عانا شەشىمىم ەمەس، قوعام بەلسەندىلەرى بولىپ اقىلداسىپ، وسىنداي شەشىم قابىلداعانبىز، سايلاۋعا دەنى دۇرىس كانديداتتار ۇسىنسىن، بۇل جۇيە قۇلايدى، بارلىق ساياسي تۇتقىندار بوساپ شىعادى، تاريح بىزدىكى، مەنى قاماسا باسقالار شىعادى، مەن بارىنە ءدايىنمىنى” دەدى.
تۇنگى 21:00 دە جەدەلدەتىپ ۆاتساپ جەلىسى ارقىلى ونلاين وتكىزىلگەن سوتتا بەلىگىلى بولعانداي، دۋمان مۇحاممەدكارىم 15 تاۋلىككە قامالىپ، قوناەۆ قالاسىندا مەرزىمىن وتەۋگە جونەلتىلەتىن بولدى.

;t=17s