سانكت-پەتەربۋرگ دەپۋتاتتارى: پۋتين مەملەكەتتى ساتتى.

پەتەربۋرگ دەپۋتاتتارىنىڭ پىكىرىنشە، ءپۋتيننىڭ رەسەي ارمياسىنىڭ ۋكراينا اۋماعىنا باسىپ كىرۋ تۋرالى شەشىمى رەسەي قاۋىپسىزدىگى مەن ونىڭ ازاماتتارىنا نۇقسان كەلتىرەدى. پاليۋگانىڭ ايتۋىنشا، سمولنينسك دەپۋتاتتارى مۇنداي شەشىمدى كوپشىلىك داۋىسپەن قابىلداعان.

دەپۋتاتتار ۋكرايناداعى سوعىستا جاستار قىرىلىپ، مۇگەدەك بولىپ جاتىر، ال رەسەي ەكونوميكاسى سوعىس سالدارىنان قۇلدىرادى دەپ ەسەپتەيدى. رەسەي سوعىستان باستاعالى بەرى ناتو بلوگى شىعىسقا قاراي بەلسەندى تۇردە جىلجىپ كەلەدى، ال ۋكرايناعا قارۋ-جاراق كوپتەپ جەتكىزىلىپ جاتىر، الايدا پۋتين اسكەري اگرەسسيانى باسقاشا اقتاعان ەدى، دەپ مالىمدەگەن دەپۋتاتتار.

رەسەي ۋكراينادا سوعىس اشقاننان كەيىن، ناۋرىز ايىندا سمولنينسك كەڭەسى پۋتينگە دەپۋتات ساۋالىن جولداپ، "قانتوگىستى" دوعارۋىن، ۋكراينا اۋماعىنداعى اسكەردى شىعارىپ، قىزمەتتەن كەتۋىن سۇراعان.