رەسەي فەدەراتسياسىنىڭ سوتى  «يەگوۆا كۋاگەرلەرىن» ءدىني ەكسترەميستىك ۇيىم دەپ تاۋىپ، رەسەي اۋماعىندا تىيىم سالدى دەپ حابارلايدى bbc.com سايتى.

رف جوعارعى  سوتى  يۋيستيتسيا مينيسترلىگىنىڭ ءوتىنىشىن قاراپ، «يەگوۆا كۋاگەرلەرى» رەسەيدە  دىني ەكسترەميزىمدى ناسيحاتتاعانى ءۇشىن ەل اۋماعىندا جۇمىس جاساۋعا تىيىم سالعان. 2014 جىلى رەسەي سوتى ۇيىم سايتىندا جارىق كورگەن  "چەمۋ نا ساموم دەلە ۋچيت بيبليا؟", "پريبليجايسيا ك يەگوۆە" ي "پريحودي ي سلەدۋي زا منوي" اتتى ماتەريالدارىن  ەكسترەميزمدى  ناسيحاتتاۋ دەپ تاپقان بولاتىن.

«يەگوۆا كۋاگەرلەرى» رەسەي فەدەراتسياسىندا  1991 جىلى تىركەلگەن. سودان بەرى تالاي رەت ەكسترەميستىك ماتەريالدار تاراتقانى ءۇشىن اكىمشىلىكتىك جاۋاپكەرشىلىككە  تارتىلىپ كەلگەن.

«يەگوۆا كۋاگەرلەرى» 1931 جىلى اقش-تا «بيبليا زەرتەۋشىلەرى» ءدىني ۇيىمىنىڭ ەكىگە ءبولىنۋى سالدارىنان پايدا بولعان.

"The Qazaq Times"