قىرعىزستان پرەزيدەنتى سادىر جاپاروۆ جەتىم تاۋ (جەتيم-توو) كەنىشى اينالاسىنداعى داۋلى پىكىرلەرگە قاتىستى، ول جەردەگى كەندى يگەرۋگە قارسى شىققانداردى سىنعا الدى. بۇل تۋرالى ورتالىق ازيا جاڭالىقتار قىزمەتى جازدى.

مەملەكەت باسشىسى ازاماتتاردى "جەتيم-توو كەنىشىن جەكەمەنشىككە بەرىپ جاتىر دەپ بوس ءسوزدى ايتپاڭدار" دەپ، ءتيىستى ورگانداردى جالعان اقپارات تاراتقاندارمەن جۇمىس ىستەۋگە شاقىردى.

سادىر جاپاروۆتىڭ مالىمدەمەسى الەۋمەتتىك جەلىلەردە جاريالاندى.

"ەسىڭىزدە بولسا، پرەزيدەنت سايلاۋىندا "ەگەر جەتيم-توو كەنىن 100 پايىز ءوزىمىز يگەرەتىن بولساق، سىرتقى قارىزدى تولىق جاباتىن ەدىك", دەپ ايتقان ءسوزىم بار. بىراق قازىر جەتيم-توو كەنىن يگەرىپ جاتقان ەشكىم جوق. بۇگىنگى كۇنى دە دايىندىق جوق ەكەنىن، تەك گەولگيالىق ىستەر جۇرگىزىپ، قورىن انىقتاۋعا بۇيرىق بەرىلگەن", - دەگەن مالىمدەمەدە.

نارىن وبلىسىنداعى جەتيم-توو تەمىر كەنىن يگەرۋ ءىسى 2020 جىلدىڭ قازان ايىنداعى حالىق تولقۋىنان كەيىن توقتاپ قالعان. كەيىن بەلسەندىلەر "جەتيم-توو كەنىن قورعاۋ" قوزعالىسىن قۇرعان.

سادىر جاپاروۆ 2020 جىلى پرەمەر-مينيستر قىزمەتىن اتقارىپ تۇرعان كەزدە، جەتيم-توو كەنىندە كەمىندە 5 ملرد توننا تەمىر بار ەكەنىن، ونى يگەرۋ قاجەت ەكەنىن جەتكىزگەن.