ۋكراينا-رەسەي سوعىسى الەمدىك ەكونوميكاعا ءوز كەسىرىن تيگىزە باستادى. ۋكراينانىڭ استىعى مەن رەسەيدىڭ مۇناي-گازىنىڭ توسىلۋى ءبىر قاتار ەلدەردەگى جاعدايدى ناشارلاتىپ جىبەردى.

وڭتۇستىك ازيانىڭ دامۋشى ەلدەرىنىڭ ءبىرى بانگلادەشتە ءبىر اپتانىڭ ىشىندە جانارماي باعاسىن 50% عا ءوستى. وعان ۋكرايناداعى سوعىستان كەيىنگى مۇناي باعاسىنىڭ ءوسۋى سەبەپ بولعان. ەل قارجىلىق داعدارىسقا تاپ بولىپ جاتقاندىقتان، مىڭداعان ادام كوشەگە شىقتى. 168 ميلليوننان استام حالقى بار ەلدىڭ ۇكىمەتى بۇل جاعدايعا شاراسىزدىق تانىتىپ وتىر. بۇل تۋرالى ەلدىڭ ەنەرگەتيكا ءمينيسترى ناسرۋل حاميد
«ءبىز باعانىڭ قىمباتتاۋىن بىلەمىز، بىراق شەت ەلدەردە جانارماي قۇنى كوتەرىلسە نە ىستەي الامىز؟ ەگەر الەمدىك باعالار بەلگىلى ءبىر دەڭگەيگە تومەندەسە، ءبىز تۇسىرۋگە تىرىسامىز»، - دەدى. وتكەن اپتادا جانارمايدىڭ باعاسىنىڭ وسكەنى تۋرالى حابار جاريالانعاننان كەيىن، مىڭداعان ادام بۇكىل ەلدەگى جانارماي قۇيۋ ستانتسيالارىندا شري-لانكانى ەسكە تۇسىرەتىن كورىنىستەر ارقىلى نارازىلىق ءبىلدىرىپ، باعانى تۇراقتاندىرۋدى تالاپ ەتتى. بىراق، ناسرۋل حاميد ۆاليۋتا قورى ازايىپ بارا جاتسا دا، بانگلادەش شري-لانكا تاعدىرىن قايتالامايدى دەپ سەندىرۋگە تىرىستى.

ەستەرىڭىزدە بولسا جىل باسىندا وسىنداي جاعداي ءبىزدىڭ ەلدە دە بولعان، جانارماي باعاسىنىڭ قىمباتتاۋىنا نارازىلىق ءبىلدىرىپ باستالعان شەرۋ رەسپۋبليكا كولەمىندە ءدۇمپۋ تۋعىزىپ، قاڭتار قىرعىنىنا اينالىپ رەسمي دەرەك بويىنشا 240 ادامنىڭ قازاسىمەن تاريحتا قالدى.

ن.بايتۇرسىن