بالالارىمىزدى مەكتەپكە قاجەتتى زاتتارىمەن قامتاماسىز ەتەتىن وتاندىق ونىمدەردى قاشان دايىندايمىز؟

بالالارىمىزدى مەكتەپكە قاجەتتى زاتتارىمەن قامتاماسىز ەتەتىن وتاندىق ونىمدەردى قاشان دايىندايمىز؟

جاڭا وقۋ جىلى باستالۋعا تاياۋ. بالالاردىڭ مەكتەپكە كەرەكتى وقۋ قۇرالدارى مەن كيىمدەرىنە قانشا قارجى كەرەك دەپ ويلايسىز؟ بيىلعى نارىق باعاسى بويىنشا ءبىر بالانى باسىنان باقايشىعىنا دەيىن كيىندىرۋگە، وقۋعا قاجەتتى كەرەك جاراعىنا جەتەتىن اقشانى ەسەپتەپ كورىپ ەدىك، ارينە بارلىعىن وزگە ەلدەن كەلەتىن زاتتاردان الادى ەكەنبىز. قىتاي، قىرعىزستان، وزبەكستان، تۇركىمەن، تۇركيا. شاماڭىز كەلسە باسقا ءمۇحيت اسىپ كەلەتىن زاتتاردى دا ايتا بەرۋگە بولادى، باسىم بولىگى وسىلار. ءوز ەلىمىزدەن بالالار تۇتىناتىن نە شىعادى؟ بۇل جاعى قىنجىلتتى. سونىمەن، ۇلدارعا ارنالعان كوستيۋم شالبار 15000تگ دەن باستاپ، ساپاسى مەن ولشەمىنە بايلانىستى وسە بەرەدى. قىزداردىڭ كوستيۋم بەلدەمشەسى دە وسىنداي باعادا. اق جەيدەلەر ەڭ ارزانى 3000تگ دەن باستالادى. سپورتتىق كيىمدەر 10000تگ دەن جوعارى، سپورتتىق اياق كيىمنىڭ ەڭ تومەنى 5000تگ، تۋفليلار جەتى- سەگىز مىڭنان كەم ەمەس. بۇلارعا گالستۋك، بانتيك، سپورتتىق جەيدەلەردىڭ باعاسىن قوسا بەرىڭىز، وزگەسىن ايتپاعاندا، تەك كيىمىنە عانا 50000تگ جۇمسايسىز.
وقۋ قۇرالدارىنا; سومكە 7000تگ، داپتەرلەر(جاي داپتەر، سۋرەت سالۋعا ارنالعان داپتەر، قالىڭ داپتەرلەر،)10000تگ، قالامدار، ءتۇرلى-ءتۇستى بوياقتار، قارىنداشتار، سىزعىش، ۇشتاعىش، وشىرگىش، تب كەرەك-جاراعىنا كەمى 20000تگ جۇمسايسىز. سوندا ءبىر بالاعا ەڭ تومەنگى باعادا 90000تگ كەرەك. ءبىر ۇيدەن نەشە بالا مەكتەپكە بارادى، ساناي بەرىڭىز. ايلىق تابىسى ازىق-تۇلىكتەن ارتىلمايتىن ەلىمىزدىڭ قاراپايىم تۇرعىندارى ءۇشىن بۇل اجەپتاۋىر سوما. يمپورتقا تاۋەلدى ەلدىڭ نارىق باعاسىن دوللار بيلەپ تۇر.وسىنداي ەلدىڭ بالالار زاتتارىنا جەڭىلدىك بولمايتىنى بەلگىلى. ءوز شيكىزاتىمىزدى وڭدەپ، كەرەككە جاراتۋعا جوعارى جاق قۇلىقسىز. قولىنان ءىس كەلەتىن ۇرپاق وسىرۋگە كۇنىن ارەڭ كورىپ جۇرگەن اتا-انالاردىڭ شاماسى كەلەر مە ەكەن؟ كوپ بالالى وتباسىلاردىڭ كوبى اۋىل تۇرعىندارى. نە ءوندىرىسى، نە جۇمىسى جوق ەلگە بالانى مەكتەپكە جىبەرۋ دە وڭايعا سوقپايدى. بالالاردىڭ قارنى توق، كويلەگى كوك بولماسا دا ساپالى ءبىلىم الار دەپ ۇمىتتەنەمىز.

ن. بايتۇرسىن