جەمقورلىق بويىنشا كءۇدىككە ىلىنگەن گەنەرال-مايور جايلاۋبەك حالىقۇلىنىڭ دەنەسى تەرگەۋ يزولياتورىنان تابىلدى. بۇل جءونىندە قىلمىستىق-اتقارۋ جءۇيەسى كوميتەتىنىڭ باسپاسءوز قىزمەتى حابارلادى. بۇل تۋرالى ورتالىق ازيا جاڭالىقتار قىزمەتى جازدى.
"تەرگەلىپ قامالعان جايلاۋبەك حالىقۇلىنىڭ [دەنەسىن] شامامەن ساعات 7-دە بەكەت باقىلاۋشىسى تاپتى. مەكەمە كەزەكشىسى دەرەۋ العاشقى مەديتسينالىق كومەك كورسەتتى. الايدا قابىلدانعان شارالارعا قاراماستان قامالۋشىنى قۇتقارۋ مۇمكىن بولمادى. وقيعا ورنىنا كەلگەن جەدەل جاردەم بريگاداسى مەحانيكالىق اسفيكتسيا ناتيجەسىندە تۋىنداعان ءولىمدى تىركەدى" دەپ جازىلعان كوميتەت حابارلاماسىندا.
رەسمي اقپاراتقا قاراعاندا، وقيعا ورنىنا پروكۋراتۋرا، جەدەل تەرگەۋ توبى، وبلىستىق قىلمىستىق-اتقارۋ جۇيەسى دەپارتامەنتى وكىلدەرى كەلگەن. تەرگەۋ يزولياتورىنداعى وزگە قامالۋشىلارمەن اڭگىمە جۇرگىزىلگەن.
كوميتەت "تەكسەرۋ ناتيجەسىندە كۇدىكتىگە قاتىستى زاڭعا قايشى ارەكەت" انىقتالماعانىن ايتتى. قىزمەتتىك تەكسەرىس تاعايىندالعان.
ءار جىلدارى الماتى جانە اقمولا وبلىسىنىڭ پوليتسياسىن باسقارعان 59 جاستاعى جايلاۋبەك حالىقۇلى بيىل مامىر ايىندا قامالعان. ول قىلمىستىق ءىستى توقتاتقانى ءۇشىن پارا الدى دەگەن كۇدىككە ىلىنگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟