اقش سەناتىندا قورعانىس بيۋدجەتىن 5 پايىزعا كوبەيتۋ تۋرالى باستاما كوتەرىلۋدە. رەسپۋبليكاشىلدار جاعىنان جاسالعان ۇسىنىس قۇراما شتاتتارعا رەسەي مەن قىتايدان كەلەتىن ۇزاق مەرزىمدىك قاۋىپ-قاتەرگە قارسى كۇرەسۋ ءۇشىن كەرەك دەلىنگەن.

اتالمىش ۇسىنىستى رەسپۋبليكاشىلدار پارتياسىنىڭ جەتەكشىلەرىنىڭ ءبىرى ميتچ ماككوننەلل دۇيسەنبى كۇنگى وكىلدەر پالاتاسىنداعى سوزىندە ورتاعا سالدى. ونىڭ ايتۋىنشا، رەسەي مەن قىتاي الەمنىڭ كارتاسىن وزگەرتۋگە نيەتتى، سوندىقتان دا قۇراما شتاتتار ماسكەۋ مەن بەيجىڭنىڭ اگرەسسيۆتى ارەكەتتەرىنە قارسى كۇرەسۋ ءۇشىن جەتكىلىكتى اسكەري مۇمكىندىكتەرگە يە بولۋى كەرەك.

ماككوننەلل قىتاي دا، رەسەي دە وزدەرىنىڭ اگرەسسيۆتى ماقساتتارىنان تەك جوعارى دەڭگەيدەگى شىعىنعا ناقتى كوز جەتكىزگەندە عانا باس تارتادى دەپ سانايدى. سوندىقتان، قۇراما شتاتتار قورعانىس شىعىندارىن تەڭدەسسىز كۇيگە كەلتىرۋى ءتيىس. رەسپۋبليكاشىلداردىڭ جەتەكشىسى بۇعان قوسا قۇراما شتتار گيپەر-دىبىستىق زىمىرانداردى جاساۋمەن قاتار، يادرولىق ارسەنالدارىن مودەرنيزاتسيالاۋ، ءوزىنىڭ جاھاندىق قاتىسۋىن ارتتىرۋ كەرەك دەگەن پىكىرلەرىندە ورتاعا سالعان.

The Qazaq Times