دەنساۋلىق ساقتاۋ ءمينيسترى الەكسەي تسوي قىزمەتىنەن كەتتى

مەملەكەت باسشىسىنىڭ جارلىعىمەن الەكسەي ۆلاديميروۆيچ تسوي قازاقستان رەسپۋبليكاسىنىڭ دەنساۋلىق ساقتاۋ ءمينيسترى لاۋازىمىنان بوساتىلدى. بۇل حابارلادى اقوردا ءباسپاسوز قىزمەتى تارقاتتى.

1977 جىلى 2 ساۋىردە وڭتۇستىك قازاقستان وبلىسىندا دۇنيەگە كەلگەن.

Sells College (لوندون), قازاقستان مەملەكەتتىك مەديتسينا اكادەمياسىنىڭ اسپيرانتۋراسىن، وڭتۇستىك قازاقستان مەملەكەتتىك مەديتسينا اكادەمياسىن، «دانەكەر» حالىقارالىق قۇقىق جانە حالىقارالىق بيزنەس ينستيتۋتىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ كورپوراتيۆتىك باسقارۋ جوعارى مەكتەبىن تامامداعان. ستەنفورد ۋنيۆەرسيتەتىندە (اقش), سينگاپۋردا، ماسكەۋدە، گەرمانيادا، ۇلىبريتانيادا جانە ت. ب. ەلدەردە تاعىلىمدامادان وتكەن. ىسكەرلىك اكىمشىلەندىرۋ دوكتورى، مەديتسينا عىلىمدارىنىڭ كانديداتى. 1998-2001 جىلدارى «اسپان شىمكەنت» جشس باس بۋحگالتەرى، كوممەرتسيالىق ديرەكتورى بولىپ قىزمەت ەتكەن. 2002-2004 جىلدارى — ۇلتتىق عىلىمي مەديتسينا ورتالىعى جانە رەسپۋبليكالىق كلينيكالىق اۋرۋحانادا ەندوسكوپيست-دارىگەر. 2004-2007 جىلدارى — ۇلتتىق عىلىمي مەديتسينا ورتالىعىندا ەندوسكوپيست-دارىگەر، اعا عىلىمي قىزمەتكەر. 2007-2010 جىلدارى قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينا ورتالىعىنىڭ زاماناۋي تەحنولوگيالاردى ەنگىزۋ ورتالىعى ديرەكتورىنىڭ مىندەتىن اتقارۋشى، ديرەكتورى بولىپ ەڭبەك ەتتى. 2010-2011 جىلدارى — قازاقستان رەسپۋبليكاسى پرەزيدەنتىنىڭ ءىس باسقارماسىنىڭ مەديتسينا ورتالىعى باسشىسىنىڭ مىندەتىن اتقارۋشى، باسشىسى. 2011-2014 جىلدارى — استانا قالاسىنىڭ №1 قالالىق اۋرۋحاناسىنىڭ باس دارىگەرى. 2014-2017 جىلدارى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى لاۋازىمىن اتقاردى.  2017-2019 جىلدارى — قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى. 2019 جىلعى اقپاننان باستاپ قر پرەزيدەنتى ءىس باسقارماسىنىڭ مەديتسينا ورتالىعىن باسقاردى، 2020 جىلعى 22 ماۋسىمدا دەنساۋلىق ساقتاۋ ءبىرىنشى ۆيتسە-ءمينيسترى بولىپ تاعايىندالدى.  2020 جىلعى 25 ماۋسىمدا مەملەكەت باسشىسىنىڭ جارلىعىمەن قر دەنساۋلىق ساقتاۋ ءمينيسترى بولىپ تاعايىندالدى. 2021 جىلعى 18 قاڭتاردا قر پرەزيدەنتىنىڭ جارلىعىمەن قر دەنساۋلىق ساقتاۋ ءمينيسترى بولىپ قايتا تاعايىندالدى.

ايتاكەتەرلىك ءبىر جايت بۇعان دەيىن ەلدىڭ دەنساۋلىق سالاسىن باسقارعانداردىڭ دەنى جەمقورلىق ايىبىمەن سوتتالعانى جۇرت اراسىندا ۇنەمى نازاردا جۇرەدى.