Foto: nur.kz

Memleket basşısınıñ Jarlığımen Aleksey Vladimiroviç Coy Qazaqstan Respublikasınıñ Densaulıq saqtau ministri lauazımınan bosatıldı. Bwl habarladı Aqorda baspasöz qızmeti tarqattı.

1977 jılı 2 säuirde Oñtüstik Qazaqstan oblısında düniege kelgen.

Sells College (London), Qazaqstan memlekettik medicina akademiyasınıñ aspiranturasın, Oñtüstik Qazaqstan memlekettik medicina akademiyasın, «Däneker» halıqaralıq qwqıq jäne halıqaralıq biznes institutın, RF Prezidenti janındağı Resey halıq şaruaşılığı jäne memlekettik qızmet akademiyasınıñ korporativtik basqaru joğarı mektebin tämamdağan. Stenford universitetinde (AQŞ), Singapurda, Mäskeude, Germaniyada, Wlıbritaniyada jäne t. b. elderde tağılımdamadan ötken. İskerlik äkimşilendiru doktorı, medicina ğılımdarınıñ kandidatı. 1998-2001 jıldarı «Aspan Şımkent» JŞS bas buhgalteri, kommerciyalıq direktorı bolıp qızmet etken. 2002-2004 jıldarı — Wlttıq ğılımi medicina ortalığı jäne Respublikalıq klinikalıq auruhanada endoskopist-däriger. 2004-2007 jıldarı — Wlttıq ğılımi medicina ortalığında endoskopist-däriger, ağa ğılımi qızmetker. 2007-2010 jıldarı Qazaqstan Respublikası Prezidentiniñ İs basqarması Medicina ortalığınıñ Zamanaui tehnologiyalardı engizu ortalığı direktorınıñ mindetin atqaruşı, direktorı bolıp eñbek etti. 2010-2011 jıldarı — Qazaqstan Respublikası Prezidentiniñ İs basqarmasınıñ Medicina ortalığı basşısınıñ mindetin atqaruşı, basşısı. 2011-2014 jıldarı — Astana qalasınıñ №1 qalalıq auruhanasınıñ bas därigeri. 2014-2017 jıldarı Qazaqstan Respublikası densaulıq saqtau jäne äleumettik damu vice-ministri lauazımın atqardı.  2017-2019 jıldarı — Qazaqstan Respublikası densaulıq saqtau vice-ministri. 2019 jılğı aqpannan bastap QR Prezidenti İs basqarmasınıñ Medicina ortalığın basqardı, 2020 jılğı 22 mausımda densaulıq saqtau birinşi vice-ministri bolıp tağayındaldı.  2020 jılğı 25 mausımda Memleket basşısınıñ Jarlığımen QR densaulıq saqtau ministri bolıp tağayındaldı. 2021 jılğı 18 qañtarda QR Prezidentiniñ Jarlığımen QR densaulıq saqtau ministri bolıp qayta tağayındaldı.

Aytaketerlik bir jayt bwğan deyin eldiñ densaulıq salasın basqarğandardıñ deni jemqorlıq ayıbımen sottalğanı jwrt arasında ünemi nazarda jüredi.