كەشە، 9 قىركۇيەك كۇنى كەشكە الماتى اۋەجايىنا قونعان قازاقستان قارۋلى كۇشتەرىنىڭ ارنايى ۇشاعى اۋعانستاننان 41 جولاۋشىنى جەتكىزدى. ولاردىڭ 35-ءى اۋعان قازاقتارى. بۇل تۋرالى قازاقستان سىرتقى ىستەر مينيسترلىگى حابارلادى.
"قازاقستان پرەزيدەنتى قاسىم-جومارت توقاەۆتىڭ تاپسىرماسىنا سايكەس، بۇگىن اۋعانستاننان 35 قانداستىڭ تاريحي وتانىنا ورالۋى ۇيىمداستىرىلدى. قازاقتارمەن بىرگە اۋعانستاننان الماتىعا 4 قازاقستاندىق، قىرعىزستاننىڭ 1 ازاماتى جانە قازاقستاندا تۇراقتى تۇراتىن 1 اۋعان جەتكىزىلدى.كەلگەن جولاۋشىلار كارانتيننەن ءوتۋ ءۇشىن ۋاقىتشا وقشاۋلانادى. ەۆاكۋاتسيالىق رەيستى ۇيىمداستىرۋ "تاليبان" قوزعالىسىمەن ۇيلەستىرىلىپ جۇزەگە اسىرىلدى" دەلىنگەن ءسىم حابارلاماسىندا.
مينيسترلىك مالىمەتىنشە، قازاقستاننىڭ كابۋلداعى ەلشىلىگى قالىپتى رەجيمدە جۇمىس ىستەپ جاتىر جانە اۋعانستاندا تۇراتىن قانداستارمەن تۇراقتى بايلانىستا.
ء"وتىنىش بەرۋشىلەردىڭ ەتنيكالىق سايكەستىگىن راستاۋ جانە قانداستاردى قايتارۋ جۇمىستارى جالعاسادى" دەپ حابارلادى ءسىم.
قازاقستان بيلىگى "اۋعانستاندا 15 قازاق وتباسى نەمەسە 200-گە تارتا ەتنيكالىق قازاق بار" دەپ مالىمدەگەن. بىراق اۋعانستاندا تۇراتىن قازاقتار وزدەرىنىڭ بۇدان كوپ ەكەنىن ايتىپ، 30-عا تارتا وتباسىن ساناپ شىققان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى