تالىپتەر مەركەل حانىمدى كابۋلعا شاقىردى. اۋعانستان بيلىگىنە قول جەتكىزگەن «تاليبان» قازىر وزدەرىنىڭ رەسمي بيلىك رەتىندە مويىندالۋىنا ارەكەت ەتۋدە. بۇل رەتتە تالىپتەر الەم ەلدەرىمەن ديپلوماتيالىق قارىم-قاتىناس ورناتۋعا تىرىسۋدا.
بۇعان دەيىن يسلامشىل ۇيىم رەسەي جانە قىتايمەن تىعىز بايلانىس ورناتقانىن مالىمدەگەن بولاتىن. سوڭعى كەزدەرى ۇكىمەت قۇرۋ دايىندىعىنداعى ءتالىپ جەتەكشىلەرى باتىس ەلدەرىمەن دە بايلانىستى جاقسارتۋعا كۇش سالۋدا.
«تاليبان» ۇيىمىنىڭ رەسمي وكىلى زابيبۋللا مۋدجاحيد كەزەكتى مالىمدەمەسىندە گەرمانيا كانتسلەرى انگەلا مەركەل حانىمدى كابۋلعا شاقىرعانىن مالىمدەگەن. مالىمدەمەسىندە مۋدجاحيد گەرمانيامەن رەسمي ديپلوماتيالىق بايلانىس ورناتۋدى قالايتىندارىن ايتا كەلىپ، گەرمانيا مەن اۋعانستان اراسىندا بۇعان دەيىندە تىعىز قاتىناستاردىڭ بولعانىن العا تارتقان.
ءمۋدجاحيدتىڭ سوزىنە قاراعاندا، اۋعانستاننىڭ جاڭا بيلىگى گەرمانيامەن ينفراقۇرىلىم، مەديتسينا جانە ءبىلىم سالالارىندا ينۆەستيتسيالىق بايلانىستى نىعايتۋعا مۇددەلى.
گەرمانيا بۇعان دەيىن اۋعانستاننان ەۆاكۋاتسيا جاساۋ بويىنشا تالىپتەرمەن كەلىسسوزدەر وتكىزگەن بولاتىن. سول تۇتسا نەمىس ۇكىمەتى اۋعانستانداعى بوسقىندار اعىنىن توقتاتۋ ءۇشىن ەلگە گۋمانيتارلىق باعىتتا كومەك بەرۋگە دايىن ەكەنىن دە جەتكىزگەن ەدى.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟