قازاقستان سپورتشىسى داۆيد دەگتيارەۆ توكيو ءوتىپ جاتقان پاراليمپيادادا پاۋەرليفتينگتەن چەمپيون اتاندى. 54 كەلى سالماقتا سىنعا تۇسكەن دەگتياروۆ ءۇش مۇمكىندىگىن تولىق پايدالانىپ، 174 كەلىنى ەڭسەردى.
بۇل سالماقتا كۇمىستى فرانتسيالىق اكسەل بۋرلون (165 كەلى), قولانى گرەكيالىق ديميتريوس باكوحريستوس (165 كەلى) يەلەندى.
بۇل توكيوداعى پاراليمپياداعا 25 سپورتشىسى قاتىسىپ جاتقان قازاقستان قۇراماسىنىڭ العاشقى جۇلدەسى.
25 جاستاعى دەگتياروۆ بيىل پاراليمپيادا الدىندا تبيليسيدە وتكەن الەم كۋبوگىندا 185 كەلىنى كوتەرىپ، التىن مەدال العان. ول گرۋزياداعى جارىستا ازيا رەكورد جاڭارتقان ەدى. قازاقستاندىق اتلەت 2018 جىلى دجاكارتادا وتكەن پارا ازيا ويىندارىندا 54 كەلىدە كۇمىس مەدال يەلەنگەن. دەگتيارەۆ يندونەزياداعى جارىستا 157 كەلى كوتەرگەن.
دەگتياروۆ اقمولا وبلىسى اتباسار قالاسىندا تۋعان. پاراليمپياداعا العاش رەت قاتىستى.
قازاقستان 2016 جىلى ريودا وتكەن پاراليمپيادادا ءبىر التىن، ءبىر كۇمىس مەدالمەن جالپى ەسەپتە 58-ورىن العان. ريو پاراليمپياداسىندا جۇزۋدەن ءزۇلفيا عابيدۋليناچەمپيون اتانسا، پاۋەرليفتينگتەن راۋشان قويشىباەۆا كۇمىس مەدال يەلەنگەن. عابيدۋلينا مەن قويشىباەۆا دا توكيو پاراليمپياداسىنا قاتىسىپ جاتىر.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى