تالىپتەر اۋعانستان ايەلدەرىنە جۇمىسقا بارماۋعا، ۇيدە وتىرا تۇرۋعا كەڭەس بەردى. بۇل تۋرالى بي-بي-سي باسىلىمىنا سىلتەمە جاساعان ازاتتىق راديوسى حابارلادى.
ء"بىزدىڭ قاۋىپسىزدىك كۇشتەرىمىز ايەلدەرمەن قالاي سويلەسىپ، قالاي قارىم-قاتىناس جاساۋدى بىلە بەرمەيدى. قاۋىپسىزدىكتەرى تولىق قامتاماسىز ەتىلگەنشە ايەلدەردىڭ ۇيدە وتىرا تۇرعانىن قالايمىز، بۇل كوپكە سوزىلمايدى" دەدى "تاليباننىڭ" رەسمي وكىلى زابيحوللا مودجاحيد بي-بي-سي باسىلىمىنا.
"تاليبان" وكىلى كابۋلداعى ەۆاكۋاتسيانى دا ءسوز ەتىپ، اۋەجايدا دۇربەلەڭ بولىپ جاتقانىنىن، اۋعانداردىڭ وندا بارماي-اق قويعانى دۇرىس بولاتىنىن ايتتى.
مودجاحيد ۆاشينگتوندى اۋعانستاننان كەتكىسى كەلەتىندەردى ىنتالاندىرماۋعا شاقىردى. ونىڭ سوزىنشە، اۋعانستان تالانتتى ازاماتتارعا ءوزى دە ءزارۋ.
تالىپتەر 15 تامىزدا كابۋلدى سوعىسسىز العان سوڭ اۋعانستانعا تولىق باقىلاۋ ورناتقانىن جاريالاعان. اۋعانستان پرەزيدەنتى بىرىككەن اراب امىرلىكتەرىنە كەتىپ قالعان.
تالىپتەردىڭ رەسمي وكىلى زابيحوللا مودجاحيد ءباسپاسوز كونفەرەنتسياسىن وتكىزىپ، تالىپتەر بيلىگى كەزىندە اۋعانستان قانداي بولاتىنىن ايتقان بولاتىن. ول شاريعات زاڭى ەنگىزىلەتىنىن، بىراق ايەلدەر قۇقىعى كەڭەيەتىنىن، ولارعا جۇمىس ىستەۋگە مۇمكىندىك بەرەتىنىن ەسكەرتكەن. اۋعانستاندى ەسىرتكىسىز ەلگە اينالدىرۋعا دا ۋادە بەرگەن.
"تاليبان" قوزعالىسى 1996-2001 جىلدار ارالىعىندا اۋعانستاندى شاريعاتتىڭ قاتاڭ زاڭدارىمەن باسقارعان ەدى. ون جاستان اسقان قىزدار مەن ايەلدەرگە وقۋعا، جۇمىس ىستەۋگە، كۇيەۋىنسىز نەمەسە كۇيەۋىنىڭ تۋىس ەر ادامىنسىز كوشەگە شىعۋعا تىيىم سالىپ، پارەنجى كيۋگە مىندەتتەگەن.
2021 جىلدىڭ 15 تامىزىنان باستاپ تالىپتەر ايەلدەرگە قوعامدىق ورىندارعا ورامالسىز كىرۋگە تىيىم سالعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟