Auğan äyelderi. Körneki suret. Foto: AFP

Tälipter Auğanstan äyelderine jwmısqa barmauğa, üyde otıra twruğa keñes berdi. Bwl turalı Bi-bi-si basılımına silteme jasağan Azattıq radiosı habarladı.

"Bizdiñ qauipsizdik küşterimiz äyeldermen qalay söylesip, qalay qarım-qatınas jasaudı bile bermeydi. Qauipsizdikteri tolıq qamtamasız etilgenşe äyelderdiñ üyde otıra twrğanın qalaymız, bwl köpke sozılmaydı" dedi "Talibannıñ" resmi ökili Zabiholla Modjahid Bi-bi-si basılımına.

"Taliban" ökili Kabuldağı evakuaciyanı da söz etip, äuejayda dürbeleñ bolıp jatqanının, auğandardıñ onda barmay-aq qoyğanı dwrıs bolatının ayttı.

Modjahid Vaşingtondı Auğanstannan ketkisi keletinderdi ıntalandırmauğa şaqırdı. Onıñ sözinşe, Auğanstan talanttı azamattarğa özi de zäru.

Tälipter 15 tamızda Kabuldı soğıssız alğan soñ Auğanstanğa tolıq baqılau ornatqanın jariyalağan. Auğanstan prezidenti Birikken arab ämirlikterine ketip qalğan.

Tälipterdiñ resmi ökili Zabiholla Modjahid baspasöz konferenciyasın ötkizip, tälipter biligi kezinde Auğanstan qanday bolatının aytqan bolatın. Ol şariğat zañı engiziletinin, biraq äyelder qwqığı keñeyetinin, olarğa jwmıs isteuge mümkindik beretinin eskertken. Auğanstandı esirtkisiz elge aynaldıruğa da uäde bergen.

"Taliban" qozğalısı 1996-2001 jıldar aralığında Auğanstandı şariğattıñ qatañ zañdarımen basqarğan edi. On jastan asqan qızdar men äyelderge oquğa, jwmıs isteuge, küyeuinsiz nemese küyeuiniñ tuıs er adamınsız köşege şığuğa tıyım salıp, pärenji kiyuge mindettegen.

2021 jıldıñ 15 tamızınan bastap tälipter äyelderge qoğamdıq orındarğa oramalsız kiruge tıyım salğan.

The Qazaq Times